बेइजिङको अदालतले एक व्यक्तिलाई विवाहको अवधिभर पत्नीले गरेको घरको काम वापद् भुक्तानी गर्न आदेश दिएको छ । जसअनुसार, ती महिलाले अब पाँच वर्ष बिना पारिश्रमिक घरको काम गरेकोमा ७ हजार ७०० डलर पाउने भएकी छन् ।
यस घटनापछि यतिबेला चीनमा इन्टरनेटभरि घरेलु कामको मूल्य सम्बन्धी ठूलो बहस चलेको छ । धेरैले सो क्षतिपूर्ति रकम एकदम कम भएको प्रतिक्रिया दिएका छन् ।
अदालतका अनुसार ‘छेन’ थर भएका ती पुरुषले गत वर्ष पत्नीसँग डिभोर्सका लागि मुद्दा दर्ता गराएका थिए । यसमा उनकी पत्नी पहिले डिभोर्स गर्ने पक्षमा थिइनन् । तर, पछि उनले छेनले घरका कामकाज, छोराको जिम्मेवारीमा कहिल्यै कुनै सहयोग नपुर्याएको भन्दै थप आर्थिक क्षतिपूर्तिका लागि अनुरोध गरेकी थिइन् ।
बेइजिङको फाङसान जिल्ला अदालतले उनको पक्षमा आदेश जारी गर्दै डिभोर्सपछिको गुजारा रकममा मासिक २ हजार युआन र विवाहको अवधिभरि उनले गरेका घरका कामकाजका लागि एकैपटक ५० हजार युआन तिर्न फैसला गरेको हो।
Chinese court orders man to pay ex-wife $7,700 for housework in landmark divorce case
edition.cnn.com
