दरबार हाइस्कुलको निर्माण सम्पन्न भएको र वीर अस्पतालको समेत पुननिर्माण कार्य सम्पन्न चरणमा पुगेसँगै काठमाडौं महानगरपालिकाले खुलामञ्चलाई खुला गर्ने अभियान थालेको छ । यसअघि त्यहाँ संरचना पुननिर्माणका लागि थुपारेका निर्माण सामग्रीहरू वासरल्ल अवस्थामा थिए।
महानगरले बुधबार बिहान डोजर लगाएर खुलामञ्चका टहराहरू भत्काएएको हो । उपमेयर हरिप्रभा खड्गीले तत्काललाई बसपार्क मात्र रहन दिने गरी खुलामञ्च खाली गर्न लागिएको बताइन् ।
दरबार हाइस्कुल पुनर्निर्माणमा खटिएका चिनियाँ ठेकेदार र वीर अस्पतालले बनाएका संरचना भत्काइएका हुन् । खड्गीका अनुसार काठमाडौं भ्युटावर बनिसकेपछि बसपार्क पनि पुरानै ठाउँमा सारेर खुलामञ्चलाई पहिलेकै स्वरूपमा ल्याइनेछ ।
केहि समयअगाडी ‘अकुपाइ टुँडिखेल’का अभियन्ताले खुलामन्च लगायत टुँडिखेलका मिचिएका संरचना खाली गर्न काठमाडौं महानगरपालिकालाई अल्टिमेटम दिएका थिए।
खुलामन्च लगायत टुँडिखेलका मिचिएका संरचना खाली गर्न काठमाडौं महानगरपालिकालाई अल्टिमेटम
newsabhiyan.com
