छोटकरीमा यस हप्ता : थुनिएको महाकाली नदीदेखि प्रधानमन्त्रीको आमसभासम्म

माघ तेस्रो साता कोरोना खोप भित्रिएपछिको नेपाल, महाकाली नदि थुनियो, विप्लव समूहसँग मैत्री सम्बन्ध बनाउँदै सरकार, पशुपतिमा १४१ किलो सुनको जलहरी, प्रचण्ड-नेपाल समूहकाे हड्ताल, सेनाकाे बख्तरबन्द, प्रधानमन्त्रीकाे आमसभा, 'पुटिन प्यालेस' को रहस्य, म्यान्मारमा सैनिक कू, भारतमा नयाँ आवकाे लागि बजेट लगायतका विषयवस्तुहरू चर्चाका केन्द्रमा रहे। हप्ताभरका सम्पूर्ण गतिविधिहरूलाई छोटकरीमा यहाँ एकमुष्ट पढ्नुहोस्।



सरकारले भारतबाट अनुदानमा आएको पहिलो चरणको खोप प्रयोगमा आएपछि मात्र दोस्रो चरणको अभियान सुरु गर्ने बताएको छ। पहिलो चरणको कोभिड खोप अभियानको प्रभावकारिता कस्तो रह्यो ? कोरोना खोप भित्रिएपछिको नेपालको अवस्था कस्तो देखिदै छ? छोटकरीले तयार पारेको यी सामाग्रीहरू पढ्नुहोस्।



सत्तारुढ नेपाल कम्युनिस्ट पार्टीमा आएको विभाजनपछि विकसित परिस्थितिका बीच नेकपा ओली पक्षले भूमिगत नेत्रविक्रम चन्द नेतृत्वको विप्लव समूहलाई मूलधारमा ल्याउने प्रयास थालेको छ । भूमिगत समूहसँग वार्ता गर्न प्रधानमन्त्री ओलीले आफ्ना विश्वासपात्रहरुलाई जिम्मेवारी दिएका समेत बताइन्छ ।



नेपाल कम्युनिस्ट पार्टी (नेकपा) औपचारिक रूपमा फुटतिर अघि बढ्ने देखिएकाे छ। नेकपाकाे प्रचण्ड-माधव समूहले पार्टी विभाजनका लागि निर्वाचन आयाेग जाने निर्णय गरेसँगै पार्टी विभाजनतिर जाने देखिएकाे छ।



भारतले बाटाे खन्दा झरेकाे पहिराेले दार्चुलामा नेपाल तथा भारत दुवैतर्फको महाकली नदी थुनिएकाे थियो। पहिरोले नेपाल तथा भारतपट्टि नदी थुनिएको हो। नेपाल र भारतका सुरक्षाकर्मीहरू संयुक्तरूपमा पहिरो हटाउन लागिपरेका थिए।



नेपाल कम्युनिस्ट पार्टी (नेकपा) को प्रचण्ड–माधव पक्षले निर्वाचन आयोगमा पार्टीको आधिकारिकता दावी गर्दै निवेदन दिएकाे छ। उता याे समूहका अध्यक्ष प्रचण्डले अदालतले संसद पुनःस्थापना नगरे संसद बैठक बोलाएर ओलीलाई हटाउने बताएकाे छ।



सरकारले चुनाव घाेषणा गरेसँगै बजारमा महँगी बढेकाे छ। बजारमा खासगरी दैनिक उपभाेग्य वस्तुहरूकाे मूल्य आकासिएकाे हाे। प्रधानमन्त्री केपी शर्मा ओलीले ५ पुसमा प्रतिनिधिसभा भंग गरेर मध्यावधि चुनाव घोषणा भएपछि महँगी बढेको हाे।



आज ‘सिमसार र पानी’ नाराका साथ सिमसार दिवस संसारभर मनाइयो। रामसारको सूचीमा सूचिकृत नेपालका १० वटा सिमसार क्षेत्रले नेपालको झण्ढै पाँच प्रतिशत भू–भाग ओगटेको छ। तर सिमसार क्षेत्रले बढ्दो प्रदुषण, बढ्दो अतिक्रमण झेलिरहेको छ, यस सम्बन्धमा सरकार कत्तिको जिम्मेवार छ ?



काठमाण्डौको तारकेश्वर नगरपालिकामा पालेका टर्की र हाँसमा बर्ड फ्लू पुष्टि भएसँगै रोग अन्यत्र फैलन नदिन सरकार क्रियाशील देखिएको छ। रोग देखा परेको क्षेत्रलाई निसङ्क्रमण गरिसकेको पशु सेवा विभागले जनाएको छ । बर्ड फ्लुलाई लिएर नेपालको पछिल्लो अवस्था कस्तो देखिएको छ ?



नेपाल कम्युनिस्ट पार्टी (नेकपा) काे प्रचण्ड-नेपाल समूहले आव्हान गरेकाे नेपाल बन्द सहितकाे एकदिने हड्ताल सकिएकाे छ। देशभरि आंशिक प्रभाव रहेकाे हड्ताललाई प्रचण्ड समूहले सफल भएकाे बताएकाे छ भने प्रधानमन्त्रीले जनतालाई किन दुःख दिएकाे भन्दै प्रश्न गरेका छन्। हड्तालका क्रममा समूहका कैयाैं नेता कार्यकर्ता पक्राउ परेका छन् भने थुप्रै घाइते भएका छन्।



पशुपतिनाथ मन्दिरको शिवलिङ्गमा रहेको चाँदीको जलहरी हटाएर सुनको जलहरी राख्न प्रधानमन्त्रीले निर्देशन दिएपछी विवाद बढेको छ । प्राचीन स्मारक संरक्षण ऐनको दफा १२ ले पुरातात्त्विक वस्तुको स्वरूप परिवर्तनमा निषेध गरेको भन्दै पुजारी, स्थानीय र सरोकारवालाले पशुपति मन्दिरमा सुनको जलहरी राख्न नदिने अडान लिएका छन् ।



संवैधानिक परिषदको सिफारिसमा राष्ट्रपति विद्यादेवी भण्डारीले विभिन्न संवैधानिक निकायका प्रमुख तथा पदाधिकारीलाई नियुक्त गरेकी छन्। राष्ट्रपति विद्यादेवी भण्डारीले बुधबार अख्तियार दुरुपयोग अनुसन्धान आयोग, निर्वाचन आयोग लगायतका संवैधानिक निकायमा पदाधिकारी नियुक्त गरेकी हुन्। नियुक्तिसँगै नियुक्तिविरुद्ध सर्वाेच्चमा रिट परेकाे छ।



सर्वाेच्च अदालतमा चलिरहेकाे संसद विघटनविरुद्धकाे मुद्दामा सरकारी वकिलहरू रक्षात्मक देखिएका छन्। इजालसबाट गरिने प्रश्नमा सरकारी वकिलहरू रक्षात्मक देखिएका हुन्। आजकाे बहसमा न्यायाधीश प्रस्ट हुन खोज्ने, सरकारपक्ष तर्कने अवस्था देखिएकाे छ।



साेमबार काठमाडाैँमा बख्तरबन्द सहित नियमित अभ्यास गरेकाे नेपाली सेनाकाे बख्तबन्द देशका बुटवल, चितवन र कैलालीमा पनि देखिएकाे छ। नेपाली सेनाले नियमित अभ्यासका लागि बख्तरबन्द सडकमा निकालेको हाे। कतिपयले भने सेनाकाे नियमित अभ्यासलाई सन्देहकाे आँखाले हेरिरहेका छन्।



सभामुख अग्निप्रसाद सापकोटाले हालै गरिएका संवैधानिक नियुक्तिहरूविरुद्ध सर्वोच्च अदालतमा राष्ट्रपति कार्यालय तथा अन्य‍ ३८ जनालाई विपक्षी बनाएर सर्वोच्च अदालतमा रिट निवेदन दायर गरेका छन्। रिट दायर गरेसँगै उनले पत्रकार सम्मेलन गरेका छन्। सम्मेलनमा उनले संविधानमाथि लगातार हमला भएकाले अदालतमा रिट निवेदन दिनुपरेकाे बताएका छन्।



प्रधानमन्त्री केपी शर्मा ओलीकाे आमसभा सम्पन्न भएकाे छ। दरबारमार्गस्थित नारायणहिटी संग्रहालय अगाडि आमसभा गरिएकाे हाे। सभामा प्रधानमन्त्रीले देश पुनः पछाडि फर्किन नसक्ने बताएका छन्। सभा ऐतिहासिक भएकाे उनकाे दाबी थियाे।



एउटा विलासी दरबार निर्माणका क्रममा रुसका राष्ट्रपति भ्लादिमिर पुटिनले अवैध धनको प्रयोग गरी एक अर्ब पाउन्ड मूल्य खर्च गरेको दाबीसहित रुसका प्रमुख विपक्षी नेताले सार्वजनिक गरेको खोजपूर्ण भिडिओको कारण संसार स्तब्ध छ। के छ भिडियोमा आउनुहोस्, जानौं।



भारतले नयाँ आर्थिक वर्ष २०२१/२२ का लागि बजेट सार्वजनिक गर्यो। भारतीय वित्तमन्त्री निर्मला सीतारमणले संसदमा पेश गरेकाे बजेट भारतीय इतिहासमै पहिलाेपटक 'ट्याबलेट'बाट सार्वजनिक गरिएकाे हाे। यसपटककाे बजेटमा भारतले स्वास्थ्य क्षेत्रलाई प्राथमिकतामा राखेकाे छ। त्यस्तै भारतले नेपाललाई दिँदै आएकाे अनुदानमा समेत वृद्धि गरेकाे छ।



विश्वकै धनाढ्य तथा अमेजन कम्पनीका मालिक जेफ बेजोसले कम्पनीको प्रमुख कार्यकारी अधिकृत (सिइओ)बाट राजीनामा दिने भएका छन्। उनको राजीनामा पश्चात अमेजनको सीइओ को हुनेछ र बेजोस कता जानेछन् ?



विश्वचर्चित वातावरण अभियन्ता ग्रेटा थनवर्गले भारतमा जारी किसान आन्दोलनको पक्षमा आफ्नो समर्थन दोहोर्‍याएकी छन् । यस्तै, पप स्टार रिहानाको एक ट्वीटले भारतभित्र यति गर्मी बढायो कि त्यसको रापको महशुस खेलाडीदेखि सेलिब्रेटीसम्मले गरे।



एसियन देश म्यान्मार (बर्मा) मा सैनिक कू भएकाे छ। म्यान्मारको सेनाले देशलाई आफ्नो नियन्त्रणमा लिएको पुष्टि गर्दै नेत्री आङ सान सू ची लगायतका नेताहरूलाई पक्राउ गरेको बताएकाे छ। घटनापछि अमेरिकी राष्ट्रपति जाे बाइडेनले पक्राउ परेका नेताहरू तत्काल नछुटे कारबाही गर्ने चेतावनी दिएकाे छ।

\


सम्बन्धित सामग्री

नेकपाका ७ जना नेता पार्टीबाट निलम्बित

नेकपाकाे प्रचण्ड-नेपाल समूहले ओली समूहका ७ जना नेताहरूलाई कारबाही गरेको छ। पार्टी नीति विपरीत काम गरेको भन्दै उनीहरुलाई कारबाही गरिएको बताइएको छ। कारबाहीमा पर्ने नेताहरूमा महेश बस्नेत, विशाल भट्टराई, शान्ता चौधरी, सूर्य थापा, प्रभु साह र कर्णबहादुर थापा रहेका छन्। त्यस्तै बैठकले नेकपा संसदीय दलका उपनेता सुवास नेम्वाङलाई संसदीय दलको उपनेताबाट हटाउने निर्णय समेत गरेकाे छ। बुधबार पार्टी कार्यालय पेरिसडाँडामा बसेको केन्द्रीय कमिटी बैठकले यस्तो निर्णय गरेको हो।

छोटकरी विशेष

वनमन्त्रीकाे दाबी, 'मलाई एक अर्ब घुसको अफर आयो'

वन तथा वातावरण मन्त्री प्रेम आले मगरले आफूलाई एक अर्ब रुपैयाँको प्रलोभन देखाइएकाे बताएका छन्। वैज्ञानिक वन व्यवस्थापन कार्यक्रम खारेज नगर्न भनी आफूलाई एक अर्ब रुपैयाँको प्रलोभन देखाएको दाबी उनले गरेका हुन्। ११ माघमा बसेको मन्त्रिपरिषद् बैठकले वैज्ञानिक वन व्यवस्थापन कार्यक्रमलाई खारेज गरेको थियो।

छोटकरी विशेष

झापा पुगेर ओलीले भने, हटाएछन् भने दुई तिहाइ ल्याएर फेरि आउँछु

प्रधानमन्त्री केपी शर्मा ओलीले आफूलाई हटाएर देखाउन चुनौती दिएका छन्। उनले आफूहरू जनताका लागि ‘कम्फर्टेबल’ भएको भन्दै कसैले हटाए अर्को चुनावमा दुई तिहाइ बहुमत ल्याउने दावी गरेका हुन्।

छोटकरी विशेष

न्यूनतम् ५० कित्ता आईपीओको प्रावधान आउँदै, गृहकार्य सुरु

नेपाल धितो बोर्डले १० कित्ता शेयरको प्रावधानलाई हेरफेर गर्न गृहकार्य सुरु गरेको छ। शेयर बजारमा सबैको पहुँचलाई स्थापित गर्ने उद्देश्यले ल्याइएको १० कित्ता प्रावधानमाथि पुनरावलोकन गर्दै उक्त व्यवस्था हटाउन बोर्डले तयारी थालेको हो। १० कित्ताको प्रावधान लागू गर्दाकै बखत आवश्यकता अनुसार पुनरावलोकन गरिने स्पष्ट पारिएको थियो। अहिले सोही अनुसार पुनरावलोकनको समय आएको बोर्डले बताएको छ। नयाँ प्रवधानअनुसार न्यूनतम् ५० कित्ता राख्ने गरी छलफल भइरहेको छ।

छोटकरी विशेष

सरकार र विप्लव समूहबीच वार्ता हुँदै, दुवै पक्षले बनाए वार्ता टाेली

सरकारले विप्लव समूहका नामले चिनिने नेत्र विक्रम चन्द 'विप्लव' नेतृत्वको विद्राेही समूहसँग वार्ताका लागि टाेली गठन गरेकाे छ। गृहमन्त्री रामबहादुर थापा 'बादल'काे संयाेजकत्वमा सरकारले वार्ता टाेली गठन गरेकाे हाे। सरकारले वार्ता टाेली गठन गरेसँगै विप्लव समूहले पनि वार्ता टाेली बनाएकाे छ। समूहले प्रवक्ता खड्गबहादुर विश्वकर्मा 'प्रकाण्ड'को नेतृत्वमा वार्ता टाेली बनाएकाे हाे। यसअघि प्रधानमन्त्री केपी शर्मा ओलीले विप्लव समूहसँग छिट्टै वार्ता हुने बताएका थिए।

छोटकरी विशेष

पुनः बढ्याे पेट्राेलियम पदार्थकाे मूल्य

नेपाल आयल निगमले पेट्राेलियम पदार्थकाे मूल्य पुनः बढाएकाे छ। निगमले साेमबार मध्यरातदेखि लागू हुने गरी पेट्रोलिय पदार्थको मूल्य वृद्धि गरेको हाे। नयाँ मूल्यअनुसार पेट्रोल अब प्रतिलिटर ११६ रुपैयाँ, डिजल र मट्टितेल प्रतिलिटर ९९ रुपैयाँ कायम भएको छ। फाल्गुनमै पेट्राेलियम पदार्थकाे मूल्य दाेस्राेपटक बढेकाे हाे।

छोटकरी विशेष

निर्वाचन आयोगले आफूहरूलाई नै आधिकारिकता दिने प्रचण्डको दाबी

नेकपाकाे प्रचण्ड-नेपाल समूहका अध्यक्ष पुष्पकमल दाहाल 'प्रचण्ड'ले निर्वाचन आयोगले आफूहरूलाई नै आधिकारिकता दिने दाबी गरेका छन्। नेकपाको वैधानिकता र चिन्ह आफूहरूले पाउने भन्दै त्यसको आधिकारिक घोषणा हुन मात्रै बाँकी रहेको उनले बताएका हुन्। निर्वाचन आयोगको सेटिङ भत्किँदै गएको भन्दै उनले आयोगले केही दिनमा नै बहुमतले गरेको निर्णयलाई मान्यता दिने बताए।

छोटकरी विशेष