छोटकरीमा : आज - २०७७ माघ ०१, बिहीबार

आज 'प्रचण्ड-माधव नेतृत्वको कार्यदलले प्रतिवेदन बुझायो', आन्दोलन अझै प्रभावकारी बनाइने', 'चुनाव नगराए ओलीलाई देशमा बस्नै नसक्ने बनाउने देउवाको चेतावनी', 'मनाइयो माघी', 'कोरोना भाइरसको उत्पत्ति बारे अध्ययन गर्न डब्लूएचओको टोली वुहानमा', 'अमेरिकी राष्ट्रपति डोनाल्ड ट्रम्पलाई दोस्रोपटक महाभियोग' लगायतका विषयवस्तुहरू समावेश गरिएका छन्।



नेकपाको प्रचण्ड-नेपाल समूहको स्थायी कमिटीकाे बैठक शुक्रबार पुनः बस्ने गरी सकिएको छ। प्रतिनिधिसभा विघटनविरुद्ध पाैस १८ मा दोस्रो चरणको आन्दोलनका कार्यक्रम घोषणा गरेको यो समूहको बैठकमा आन्दोलनका कार्यक्रमको समीक्षा भएको थियो।



कांग्रेस सभापति शेरबहादुर देउवाले अदालतलाई आफ्नो विवेक प्रयोग गर्न बञ्चित गराउने, प्रभावित पार्ने ढंगले कसैले पनि अभिव्यक्ति दिन नहुने बताएका छन्। सर्वोच्च अदालतमा विचाराधीन मुद्दाका बारेमा बोल्न नमिल्ने भन्दै देउवाले ओली त्यसको खिलापमा उत्रिएको आरोप लगाए। त्यस्तै उनले चुनाव नगराए प्रधानमन्त्री ओलीलाई देशमा बस्नै नसक्ने बनाउने बताएका छन्।



प्रतिनिधिसभा विघटनको विरोधमा नेपाल विद्यार्थी संघले प्रधानमन्त्री केपी शर्मा ओली र राष्ट्रपति विद्यादेवी भण्डारीविरुद्ध प्रदर्शन गरेको छ। उनीहरूले खोक्रो 'राष्ट्रवाद बन्द गर', 'केपी ओली मुर्दावाद', 'विद्यार्थीको एउटै स्वर सरकारभित्र चोरैचोर' जस्ता नारा लगाएर प्रतिनिधिसभा विघटनको विरुद्धमा प्रदर्शन गरेका थिए।



काठमाडाैँ विश्वविद्यालय (केयू) को उपकुलपति बन्‍न ४४ जनाले आफ्नो व्यक्तिगत विवरण सिफारिस समितिलाई बुझाएका छन्। व्यक्तिगत विवरणको अध्ययन गरेर माघ ५ गते पुन: समितिको बैठक बस्‍ने कार्यतालिका छ।



प्रधानमन्त्री केपी शर्मा ओलीको निर्वाचन क्षेत्र तथा गृहनगर दमकमा १५ महिनादेखि १८ तले भ्यू टावरको निर्माणले तीव्रता पाइरहेकै बेला उनकै जिल्लामा पर्ने मेचीनगरमा ११ तले अर्को भ्यू टावर निर्माण हुने भएको छ।



बिहीबार थारू जातिको मुख्य पर्व माघी काठमाडौँ लगायत देशभर मनाइएको छ। हरेक वर्ष माघको पहिलो दिन थारू जातिले माघी पर्व मनाउने गर्दछन्। यस वर्ष पनि काठमाडौँ लगायत थारूहरूको बहुल्यता भएको विभिन्न ठाउँमा माघी पर्व मनाइएको छ। 



प्रधानमन्त्री केपी ओलीले मनको भाव शान्त र शुद्ध पार्न योग आवश्यक रहेको बताएका छन्। अन्तर्राष्ट्रिय योग दिवसका अवसरमा उनले जीवनलाई कसरी जीवन्त बनाउने भन्ने विषय योगसँग जोडिएको उल्लेख गर्दै योगकै कारण अधिकांश नेपाली स्वस्थ भएको उल्लेख गरे। हरेक वर्षको जुन २१ अन्तर्राष्ट्रिय योग दिवस मनाइने गरिन्छ।



भारतीय विदेश मन्त्रालयका प्रवक्ता अनुराग श्रीवास्तवले नेपाल-भारत संयुक्त आयोग र सीमा विवाद छलफल गर्ने संयन्त्र फरक-फरक भएको बताएका छन्। भोलि बिहान ११ः४५ बजे नयाँदिल्लीस्थित हैदरावाद हाउसमा नेपाल-भारत संयुक्त आयोगको छैटौँ बैठक हुँदै छ। बैठकमा नेपालको नेतृत्व परराष्ट्रमन्त्री ज्ञवाली र भारतको नेतृत्व त्यहाँका विदेशमन्त्री एस जयशंकरले गर्नेछन्। 



प्राकृतिक सिमसार भएको दाबी गरिएको कमल पोखरीको पुनर्निर्माणको क्रममा कंक्रीटको प्रयोग गरिएको छ। पोखरी सुकाएर मध्य भागमा कंक्रीटको फूल राख्ने योजना अनुरूप त्यसाे गरिएकाे हाे। पोखरीलाई सुकाएर कंक्रीटको प्रयोग गरिएकोमा अभियन्ताहरूले असन्तुष्टि व्यक्त गरिरहेका छन्।



र्‍यापर यमबुद्धप्रति श्रद्धाञ्जलि व्यक्त गर्दै गायक सुनिल गिरीले नयाँ गीत ल्याएका छन्। उनको निधन भएको ४ वर्ष भएको पूरा भएकाे दिनमा 'शब्दहरू' बोलको गीत युट्‍युबमा रिलिज गरेका हुन्।



कोरोना भाइरसबारे अध्ययन गर्न विश्व स्वास्थ्य संगठन (डब्लूएचओ) चीनको वुहान पुगेको छ। करिब १० जना वैज्ञानिकको टोलीले वुहानमा रहेर विभिन्न इन्स्टिच्युट, अस्पताल र बजारहरूमा मानिसहरूसँग अन्तर्वार्ता लिनेछन्।



अमेरिकी राष्ट्रपति डोनाल्ड ट्रम्पमाथि अमेरिकी संसद्को तल्लो सदन हाउस अफ रेप्रिजेन्टेटिभ्सले दोस्रोपटक महाभियोग प्रस्ताव पारित गरेको छ। गत बुधबार अमेरिकी संसद् भवनमा ट्रम्पका समर्थकहरूले आक्रमण गरेपछि उनीविरुद्ध अमेरिकाका डेमोक्र्याट सांसदहरूले महाभियोग प्रस्ताव प्रस्तुत गरेका थिए।



मलेसियाका सम्राट (राजा) अल सुल्तान अब्दुल्लाले कोरोना भाइरसको महामारी रोक्न देशमा संकटकाल घोषणा गरेर संसद् निलम्बनसमेत गरेका छन्। मलेसियाको कानुनअनुसार संकटकाल घोषणा भएपछि त्यहाँको संसद् स्वतः निलम्बन हुन्छ।


सम्बन्धित सामग्री

‘जनकपुर साहित्य महोत्सव’ सुरु हुँदै

जनकपुरधामको ऐतिहासिकता पौराणिकतालाई प्रचारप्रसार गर्ने उद्देश्यले ४ दिवसीय (फागुन १९ देखि फागुन २२ सम्म) जनकपुर साहित्य महोत्सवको आयोजना हुन भएको छ। के-कस्ता सेसनहरू रहनेछन् ? को-को रहनेछन् वक्ताहरू ? आउनुहोस्, जानौं ।

छोटकरी सम्पादक

सल्यानटारमा डोजरको ठक्करबाट महिलाको मृत्यु, स्थानीयले गरे डोजरमा आगजनी

धादिङको त्रिपुरासुन्दरी गाउँपालिका- १ सल्यानटार खोल्सी नजिक डोजरले ठक्करबाट एक महिलाको मृत्यु भएको छ। घटनास्थलमा रहेका स्थानीय बासीन्दाका अनुसार डोजरको ठक्करपछि घाइते भएकी महिलालाइ जिउदै अवस्थामा डोजरले माटो खनेर पुरिदिएको भन्दै डोजरमाथि आगजानी गरेका छन्।

छोटकरी सम्पादक

ताप्लेजुङको दोभान बजारमा लागेको आगो नियन्त्रणमा, ४९ घर जलेर खरानी

ताप्लेजुङको मेरिङदेन गाउँपालिका–३ स्थित दोभान बजार लागेको आगो नियन्त्रणमा आएको छ । आगलागीबाट दोभान बजारका ४९ घर जलेर नष्ट हुँदा डेरा गरी बसेकासहित ७१ परिवार विस्थापित भएका छन् । कसरी लाग्यो आगो ?

छोटकरी सम्पादक

फेवातालको नयाँ क्षेत्रफल प्रश्नको घेरामा, १५ सय ४५ रोपनी क्षेत्रफल घटेको दाबी

फेवातालको चार किल्ला निर्धारण, सीमांकन तथा नक्सांकन समितिको प्रतिवेदन सार्वजनिक भएको छ । प्रतिवेदनअनुसार फेवातालको क्षेत्रफल ५.७२६ वर्गकिलोमिटर अर्थात् ११ हजार दुई सय ५५ रोपनी ११ आना एक पैसा छ ।

छोटकरी सम्पादक

कोरोनाविरुद्धको थप ५० लाख डोज खोप खरिद गर्दै सरकार

सरकारले कोरोना भाइरस विरुद्धको ५० लाख डोज खोप खरिदको प्रक्रिया अगाडि बढाएको छ । दोस्रो चरणको खोप कार्यक्रम सरकारले फागुन २३ गतेदेखि सुरु गर्न लागेको छ । जसमा ५५ वर्ष र माथिका नागरिकलाई लगाउने तयारी सरकारको छ ।

छोटकरी सम्पादक

प्रधानमन्त्रीलाई ‘सुरक्षा थ्रेट’ : प्रोपोगाण्डा कि वास्तविकता ?

'अत्‍यन्तै तीब्ररूपमा प्रहार भएको छ। शारीरिक हमला नै भयो र ज्यान नै तलमाथि भयो भने अनौठो नमान्नु होला।' मुलुकको कुनै सामान्य नागरिकको त्रासमय अभिव्यक्ति होइन यो। यसप्रकारको अभिव्यक्ति प्रधानमन्त्री केपी शर्मा ओलीबाटै आएको हो। जम्बो सुरक्षाकर्मीको घेरामा रहेका प्रधानमन्त्रीलाई के कारण भयो सुरक्षा थ्रेट?

छोटकरी सम्पादक

चीनले नेपाललाई थप ३ लाख डोज खोप दिने

चीनले नेपाललाई अनुदानमा दिने कोभिड–१९ को खोप संख्यालाई बढाएर आठ लाख डोज पुर्‍याएको छ । चीनले सरकारी कम्पनी सिनोफार्मले उत्पादन गरेको भ्याक्सिन उपलब्ध गराउने प्रतिबद्धता व्यक्त गरेको हो । जसलाई नेपालमा पनि प्रयोग गर्नको लागि नेपाल सरकारले स्वीकृति दिइसकेको छ ।

छोटकरी सम्पादक