गगन थापाको आरोप : राष्ट्रपति र प्रधानमन्त्रीले नेपाली जनतासँग कपट गरे

नेपाली कांग्रेसका नेता गगन थापाले प्रतिनिधिसभा विघटन गरेर प्रधानमन्त्री केपी शर्मा ओलीले मुलुकलाई अराजकतातर्फ लैजान थालेको बताएका छन्। नेपाली कांग्रेस क्षेत्र नम्बर २ बाँकेले नेपालगन्जमा सोमबार आयोजना गरेको विरोध सभालाई सम्बोधन गर्दै उनले प्रधानमन्त्रीको पछिल्लो कदम सर्वसत्तावादी र अधिनायकवादी रहेको जिकिर गरे।

‘यो सर्वसत्तावादी र अधिनायकवादी कदम हो, यो कदमले नेपाललाई ठूलोे अराजकतातर्फ लिएर जाँदैछ, ठूलो अनिश्चिततातर्फ लिएर जाँदैछ, यो नेपालमाथिको ठूलो षडयन्त्र हो,’ उनले भने।  

नेता थापाले जनमतको सुविधा, संसदभित्रको गणितको सुविधा र देश तथा विदेश सबैतिरको अनुकुल वातावरण पाउँदापनि नेपाल कम्युनिष्ट पार्टी(नेकपा) र नेकपाबाट निर्वाचित प्रधानमन्त्री ओलीले संविधान र व्यवस्थाप्रति विश्वासघात गरेको आरोप लगाए। ‘यो संविधान र व्यवस्थाप्रतिको विश्वासघातले गर्दा आज सिंगो व्यवस्थामाथी नै प्रश्न उठिरहेको छ,’ उनले भने।

उनले प्रधानमन्त्रीको अधिनायकवादी कदमबाट जनताको विश्वास डगमगाइरहेको समेत बताए। संसदभित्र टाउको गनेर प्रधानमन्त्रीमा निर्वाचित भएका ओली अहिले टाउको संख्या कम भएपछि मैदान छाडेर भागेको उनको आरोप छ।  

उनले देशको सबैभन्दा सर्वोच्च पदमा बसेका राष्ट्रपति र प्रधानमन्त्रीले नेपाली जनतासँग कपटी, जाली र फट्याई गर्ने काम गरेको बताए।

प्रधानमन्त्री र राष्ट्रपतिले सिंगो संसदलाई विघटन गरेर संविधानलाई नै दुर्घटनातर्फ लिएर जान थालेको नेता थापाको टिप्पणी छ।

अर्को प्रसंगमा नेता थापाले तत्कालीन एमाले र माओवादीबीचको एकीकरण आलु र काउली जस्तै भएको भन्दै ब्यंग्य समते गरे।

प्रकाशित: १३ पुस २०७७ १८:२० सोमबार

गगन थापा संसद विघटन

सम्बन्धित सामग्री

गगनले प्रधानमन्त्री ओलीलाई भने, 'सरकार चलाउन मन नलागे खुरुक्क घर जाने, नभए वन'

काठमाडौं : नेपाली काँग्रेसका नेता गगन थापाले प्रतिनिधि सभा विघटन गरी प्रधानमन्त्री केपी शर्मा ओलीले असंवैधानिक कदम चालेकाले सरकारमा बसिरहने हैसियत गुमाएको बताएका छन्। काँग्रेस जिल्ला कार्यसमिति चितवनले आज भरतपुरको चौबिसकोठीमा आयोजना गरेको विरोध सभालाई सम्बोधन गर्दै थापाले बताएका हुन्। संविधानमा हुँदै नभएको व्यवस्था लागू गरेर प्रधानमन्त्री ओलीले असंवैधानिक

पहिलो पोस्ट

श्रीमानहरुलाई खासखुसले प्रभावित नगरोस : गगन थापा

नेपाली कांग्रेसका केन्द्रीय सदस्य गगन थापाले प्रतिनिधिसभा विघटन गर्ने प्रधानमन्त्री केपी ओलीको कदम असंवैधानिक, अनाधिकृत र अराजनीतिक भएको बताएका छन।

नागरिक दैनिक

गगन थापाको दाबी– प्रधानमन्त्री ओलीले अनधिकृत काम गरे, अब घर पठाउनुपर्छ

कांग्रेस नेता गगन थापाले प्रधानमन्त्री केपी ओलीले प्रतिनिधिसभा विघटन गरेर अनधिकृत काम गरेको बताएका छन् ।

नयाँ पत्रिका

संसद विघटन गरेर प्रधानमन्त्री ओलीले मुलुकलाई अराजकतातर्फ लैजान थाले : गगन थापा

नेपाली कांग्रेसका नेता गगन थापाले प्रतिनिधी सभा विघटन गरेर प्रधानमन्त्री केपी शर्मा ओलीले मुलुकलाई अराजकतातर्फ लैजान थालेको बताएका छन् । नेपाली कांग्रेस क्षेत्र नम्बर २ बाँकेले नेपालगन्जमा सोमबार आयोजना गरेको बिरोध सभालाई सम्बोधन गर्दै उनले प्रधानमन्त्रीको कदम सर्वसत्तावादी र अधिनायकवादी रहेको जिकिर गरे ।

नागरिक दैनिक

संसद विघटनको प्रतिरोध गर्नैपर्छ, सडकमै निस्कनुपर्छ

६ पुस, काठमाडौं । राष्ट्रपति विद्यादेवी भण्डारीले प्रधानमन्त्रीको सिफारिसमा प्रतिनिधिसभा विघटनको घोषणा गरेको केही घण्टामै नेपाली कांग्रेसका नेता गगन थापाले आइतबार नयाँ बानेश्वरमा आयोजित विरोध सभालाई सम्बोधन गरे । प्रधानमन्त्री ओलीको यो 'असंवैधानिक' कदममा राष्ट्रपति …

अनलाइनखबर

राष्ट्रपति प्रधानमन्त्रीको अपराधको साक्षी मात्र होइन साझेदार : गगन थापा

नेपाली कांग्रेसका युवा नेता गगन थापाले प्रधानमन्त्रीको अहंकारले आजको अवस्था आएको बताएका छन्। प्रधानमन्त्री केपी शर्मा ओलीले संसद विघटन गरेपछि आयोजित विरोध सभामा बोल्दै थापाले प्रधानमन्त्रीले लोकतन्त्रको तालाचाबी नै फोडेको बताए।

नागरिक दैनिक