पर्यटकीयस्थल लाङटाङ क्षेत्रका होटल सञ्चालन

पर्यटकीयस्थल लाङटाङ क्षेत्रका होटल आइतबारदेखि सञ्चालनमा आएका छन्। जिल्लामा कोरोना संक्रमितको संख्या घटेसँगै त्यहाँ सञ्चालित होटल, लज तथा चियापसल सञ्चालनमा आएका हुन्।  

गोसाइँकुण्ड गाउँपालिका–४ का वडाध्यक्ष सुप्पा लामाका अनुसार १९ दिनपछि होटल खोलिएको हो। लाङटाङ पदमार्गमा सञ्चालित सम्पूर्ण होटल सञ्चालनमा आएको छ। लाङटाङ आउने पर्यटकले पिसिआर गरेर आउन उनले आग्रह गरेका छन्।  

‘हाम्रो क्षेत्रमा अहिलेसम्म कोरोना देखिएको छैन’, उनले भने, ‘मान्छेको आवतजावत बढेपछि जोखिम बढी हुन्छ।’ पिसिआर गरेर आएमा सबै जना ढुक्क हुने उनको भनाइ छ। जिल्लामा कोरोना संक्रमितको संख्या बढ्दै जान थालेपछि गएको कार्तिक १८ गतेदेखि यस क्षेत्रमा सञ्चालित होटल, लज तथा चियापसल बन्द गरिएको थियो। त्यसअघि लाङटाङ क्षेत्रमा दैनिक ६० जनासम्म स्वदेशी पर्यटक गइरहेका थिए।  

पदमार्गको रिम्छे, लामा होटल, रिभर साइड, घोडा तबेला, गुम्बा डाँडा, लाङटाङ, मुण्डुप, क्यान्जिन लगायतका क्षेत्रमा रहेका होटल, लज तथा चिया पसल सञ्चालनमा आइसकेको गोसाइँकुण्ड गाउँपालिका–४ को वडा कार्यालयले जनाएको छ।  

असोजदेखि कार्तिक १५ सम्म लाङटाङ जाने नेपाली पर्यटकको संख्यामा वृद्धि हुँदै गएको र होटल बन्द भएपछि शून्यमा झरेको क्यान्जिनका होटल व्यवसायी ग्याल्बु लामाले बताए। ‘यस क्षेत्रका होटल बन्द हुनु अगाडि दैनिक ६० जनासम्म पर्यटक आइरहेका थिए’, उनले भने, ‘होटल सञ्चालनमा आएपछि पुनः पर्यटकको आगमन हुने आसा छ।’  

जिल्लामा आएका पर्यटकमध्ये ९० प्रतिशत पर्यटक लाङटाङ जाने गरेका छन्। लाङटाङ पुग्ने पर्यटकमध्ये सीमित पर्यटकले गन्जला पास गर्ने गरेका छन्। केही पर्यटक भने धार्मिकस्थल गोसाइँकुण्ड हुँदै सुन्दरीजल समेत जान्छन्।  

नेपालको तेस्रो गन्तव्य स्थलको रूपमा परिचित लाङटाङमा लाङटाङ हिमाल, पुरानो गुम्बा, क्यान्जेन उपत्यका र नेपालको पहिलो चिज कम्पनी लगायतका पर्यटकीय क्षेत्र छन्। याला पिक, क्यान्जिन रि, च्यारकुरी पिक त्यहाँका थप टे«किङ स्थल हुन्। ती क्षेत्रमा वर्षेनी हजारौं पर्यटक पुग्ने गरेका छन्।  

गाइड र पोटरबिना समेत जान सकिने भएकाले यस क्षेत्रमा पर्यटकको आगमन बढेको थियो। कोभिड–१९ का कारण लामो समयसम्म पर्यटकको आगमन शून्य भएको लाङटाङमा असोजदेखि पर्यटक आउन थालेका थिए।  

गएको पुस अघिसम्म पर्यटकीय क्षेत्र लाङटाङमा इजरायल, फ्रान्स, क्यानडा, जापान, इटली, अमेरिका, थाइल्याण्ड, बेलायत, कोरिया, रसिया, स्पेन, उरुग्वे, सिंगापुर लगायतका देशका पर्यटक जाने गरेका थिए।  

लाङटाङ राष्ट्रिय निकुञ्जमा आएका पर्यटकमध्ये करिव ९० प्रतिशत पर्यटक लाङटाङ पुग्छन्। लाङटाङबासी तिब्बतियन भाषा बोल्ने गर्दछन्। लाङटाङमा तिब्बतियन, नेपाली र अंग्रेजी भाषा बढी बोलिन्छ।

प्रकाशित: ७ मंसिर २०७७ १३:३५ आइतबार

सम्बन्धित सामग्री

लाङटाङका पर्यटकीय होटेल आजदेखि सञ्चालनमा

कोरोना संक्रमित बढेपछि बन्द भएका रसुवाको पर्यटकीय क्षेत्र लाङटाङका सबै होटेल आज (आइतबार) देखि सञ्चालनमा आएका

नयाँ पत्रिका

लाङटाङ पदमार्गका हाेटल भाेलिदेखि सञ्चालनमा आउने

रसुवा – लाङटाङ पदमार्गमा रहेका होटल आइतबारदेखि सञ्चालनमा आउने भएका छन् । रसुवामा कोरोना सङ्क्रमितको सङ्ख्या घटेकोले लाङटाङ पदमार्गमा रहेका होटल, लज तथा चिया पसल सञ्चालनमा आउन लागेको हो ।  रसुवामा कोरोना सङ्क्रमणको जोखिम बढ्दै गएपछि गोसाइँकुण्ड गाउँपालिका ४ को होटल व्यवसाय समितिको आग्रहमा गएको कात्तिक १८...

उज्यालो अनलाइन

पर्यटकीयस्थल लाङटाङ क्षेत्रका होटल आइतबारदेखि सञ्चालनमा आउने

पर्यटकीयस्थल लाङटाङ क्षेत्रका होटल आइतबारदेखि सञ्चालनमा आउने भएका छन्। जिल्लामा कोरोना संक्रमितको संख्या घटेसँगै त्यहाँ सञ्चालित होटल, लज तथा चियापसल सञ्चालनमा आउन लागेका हुन्।

नागरिक दैनिक

रसुवाको पर्यटकीयस्थललाई प्लाष्टिक मुक्त बनाइने

रसुवाको पर्यटकीयस्थलहरूलाई प्लाष्टिक मुक्त बनाउनका लागि अभियान सञ्चालन गरिने भएको छ। पर्यटकीयस्थल लाङटाङ र गोसाइँकुण्ड अन्तर्गत पर्ने तीनवटा पदमार्गमा अभियान सञ्चालन गर्न लागिएको हो।

नागरिक दैनिक

लाङटाङ निकुञ्ज क्षेत्रमा सञ्चालित होटलको टेन्डर प्रक्रिया सुरु

लाङटाङ राष्ट्रिय निकुञ्ज तथा मध्यवर्ती क्षेत्रमा सञ्चालित होटल, लज तथा चिया पसलको टेन्डर प्रक्रिया अघि बढेको छ ।

नागरिक दैनिक

लुम्बिनीमा ग्रान्ड कस्मो होटल सञ्चालनमा

बुद्ध जन्मस्थल लुम्बिनीमा पर्यटकीय पूर्वाधार भएका होटल खुल्ने क्रम बढेको छ । यही बेला लुम्बिनी सांस्कृतिक नगरपालिकाको पर्सा चोकमा पर्यटन व्यवसायी एक्रामुद्दिन खानले नयाँ होटल निर्माण सम्पन्न गरी सञ्चालनमा ल्याएका छन् । ग्रान्ड कस्मो लुम्बिनी होटल प्रालि लुम्बिनीको कान्छो होटल हो ।

कारोबार दैनिक