छोटकरीमा आज - २०७७ श्रावण ०७ गते बुधबार

आज नेपालमा कोरोना संक्रमण, मुलुकभर बाढी र पहिरोका कारण जनधनको क्षति, सरकारको आन्तरिक ऋण ६ खर्ब १३ अर्ब, कक्षा १२ को परीक्षा दसैंअघि, अलास्कामा ७.८ म्याग्नीच्यूडको भूकम्प,हङहङमा कोरोना संक्रमणबाट जोगिन नयाँ प्रतिबन्धको घोषणा, ह्यूस्टनको चिनियाँ महावाणिज्य दूतावास बन्द गर्न अमेरिकाको आदेश लगायातका विषयवस्तुहरू समावेश गरिएको छ।



बुधबार १०० जना थपिएसँगै नेपालमा कोरोना संक्रमितको कुल संख्या १८,०९४ पुगेको छ भने मृत्यु हुनेको संख्या ४२ पुगेको छ।

हालसम्म नेपालमा १२,६८४ जना कोरोना संक्रमित निको भएका छन्।

=> PCR परिक्षण : ३,२७,६१४ => क्वारेन्टाइनमा : २०,८४२



सरकारले बाढीपहिरो र डुबानमा परी मृत्यु भएका व्यक्तिका परिवारलाई २ लाख रुपैयाँ राहत उपलब्ध गराउने भएको छ।

घरबारविहीन प्रतिपरिवारका लागि अस्थायी आवास निर्माण गर्न १ लाख तथा प्रकोप पीडितलाई दैनिक गुजारा १५ हजार देखि २० हजार रुपैयाँसम्म राहत उपलव्ध गराउने बताइएको छ।

सम्बन्धित खबरहरू :

  • चितवनका नदीहरुमा पानीको बहाव क्रमश: घट्दै गएपछि पाँच जनाको शव फेला परेको छ । पाँच जनाकै शव पोष्टमार्टमको लागि भरतपुर अस्पतालमा राखिएको छ। सनाखत हुन नसकेका तीनजना अन्य जिल्लामा भएको बाढी तथा पहिरोमा परेर बगाएर ल्याएको हुनसक्ने प्रहरीको अनुमान छ। 
  • चार दिनदेखिको अविरल वर्षा र डुबानले पूर्व–पश्चिम महेन्द्र राजमार्गअन्तर्गत अमलेखगन्जको १ र २ नम्बर पुलको बीचमा २५ मिटर राजमार्ग भत्केपछि मंगलबार साँझदेखि आवतजावतमा कठिनाई भएको छ। प्रहरीका अनुसार उक्त सडक खण्डमा एकतर्फी सवारी सञ्‍चालन भइरहेको छ।
  • जाजरकोटको बारेकोट गाउँपालिका–४ सार्की टोलका पहिरो पीडित दलवीर सार्कीको मृत्यु भएको छ। गत असार २५ मा गएको पहिरोबाट सार्की टोलका ११ जनाको मृत्यु भएको थियो। ५०० जना विस्थापित भएका छन्।
  • बाढीले सडक कटान गरेर क्षतिग्रस्त भएको पृथ्वीराजमार्ग अन्तरगत धादिङ र चितवनको सिमानामा रहेको मौवाखोला पुलको मर्मत कार्य सुरु भएटा पनि संचालनमा आउन थप तीन दिन लाग्ने बताईएको छ।
  • आइतबारदेखि लगातारको वर्षाका कारण आएको पहिरोले खाने पानीको मुहान बगाउँदा बाजुरामा समस्या भएको छ। बुढीगंगा नगरपालिका २ को बजेडी, नडाग, मुसी, ताप्रा र ताँप्रीसेरा लगाएतका बस्तीको खाने पानीको मुहान पहिरोले बगाएर क्षति भएको बताइएको छ।
  • कोसी नदीको बहाब परिवर्तन हुँदा बराहक्षेत्र नगरपालिकाको चक्रघट्टी बजार जोखिममा परेको छ। सप्तकोसीले दिशा परिर्वतन गर्दै पूर्वी किनारामा कटान गर्न थालेपछि नगरपालिकाको कार्यालय रहेको चक्रघट्टी बजार जोखिममा परेको हो।
  • ताप्लेजुङमा तमोर नदीमा आएको बाढीले फक्ताङलुङ गाउँपालिका–७ ओलाङचुङगोलामा दुईवटा पुल बगाएको छ । वडाध्यक्ष छेतेन शेर्पा भोटेका अनुसार बस्तीबाट दाङजेन जाने पक्की पुल र अर्को काठे पुल बगाएको हो।


गत आर्थिक वर्षको अन्त्यसम्म सरकारको कुल आन्तरिक ऋणमध्ये विकास ऋणपत्र तीन खर्ब ८९ अर्ब ९५ करोड, ट्रेजरी बिल २ खर्ब १५ अर्ब २२ करोड, नागरिक बचतपत्र ७ अर्ब ६४ करोड र वैदेशिक रोजगार बचतपत्र ४० करोड ५० लाख रहेको नेपाल राष्ट्र बैंकले जनाएको छ। 

सम्बन्धित खबर :

  • सरकारी निकायले चालु आर्थिक वर्ष कार्यालय सहयोगी र सवारी चालकबाहेक अन्य पदमा अस्थायी, ज्यालादारी वा करारमा थप आर्थिक दायित्व पर्ने गरी नयाँ नियुक्ती गर्न नपाउने भएका छन्। अर्थ मन्त्रालयले बजेट कार्यान्वयन मार्गदर्शन जारी गर्दै कार्यक्रम खर्च शीर्षकबाट खर्च गर्ने गरी करारमा कर्मचारी राख्न नपाउने प्रावधान ल्याएको हो।


राष्ट्रिय परीक्षा बोर्डले कक्षा १२ को परीक्षा आगामी असोजसम्ममा सम्पन्‍न गरिसक्ने तयारी गरेको छ। बोर्डले कक्षा १२ को जुन तरिकाले ग्रेडिङ गरिएको छ सोहीअनुसार ग्रेडिङ गर्ने, पाठ्यक्रमअनुसारै प्रश्‍नपत्र निकाल्नुपर्ने बताएको छ।



राष्ट्रिय खेलकुद परिषद् (राखेप) को सदस्य सचिवका लागि रमेश कुमार सिलवाल, लिल बहादुर थापा मगर र अन्जु श्रेष्ठको नाम सिफारिस गरिएको छ। 

सिफारिस भएका सिलवाल निवर्तमान सदस्य सचिव हुन् भने थापा मगर नेकपाका केन्द्रीय सदस्य हुन्। त्यस्तै महिला सदस्यबाट सिफारिस भएकी अन्जु श्रेष्ठ राष्ट्रिय भलिबल टोलीका पूर्व कप्तान हुन्। 



संयुक्तराज्य अमेरिकाले ह्युस्टनमा रहेको चिनियाँ महावाणिज्य दूतावास कार्यालय बन्द गर्न आदेश दिएको छ।

यता, चीनले भने अमेरिकाको यस कदमले दुवै मुलुकबीचको कुटनीतिक सम्बन्धलाई थप हानि पुर्याउने भन्दै विरोध जनाएको छ।

सम्बन्धित खबर :

  • अमेरिकी विदेशमन्त्री माइक पोम्पिओले बेलायती प्रधानमन्त्री बोरिस जोन्सनसँग चीनको विषयलाई लिएर भेटवार्ता गरेका छन्। पोम्पिओले जोन्सनलाई भेट गर्नुको उद्देश्य चीनसँग अमेरिकाको कुटनीतिक युद्धमा बेलायती साथ र समर्थन लिनु रहेको अन्तर्राष्ट्रिय मिडियाले जनाएका छन्। 


पछिल्लो पाँच दिनको अवधिमा बोलिभिया प्रहरीले सहरका विभिन्‍न सडक, सवारी र घरमा ४०० भन्दा बढी शव फेला पारेको प्रहरीले जनाएको छ।

फेला पारिएका शवहरुमध्ये ८५ प्रतिशत कोरोना संक्रमणका कारण मृत्यु भएको हुनसक्ने जनाइएको छ।



 विश्वमा जारी रहेको कोरोना भाइरसको संकटका कारण संयुक्त राष्ट्रसंघीय बालकोष युनिसेफले विश्वमा बालबालिकाको हेरचाहको अवस्था नाजुक बन्दै गएको बताएको छ। 

संयुक्त राष्ट्रसंघले नै हालैमात्र विश्वका कम्तीमा पनि ४ करोड बालबालिकाले प्रारम्भिक शिक्षा लिने, विद्यालय जाने र खेल्ने लगायतको वातावरण नपाएको अथवा यस्ता कार्यबाट बालबालिका वञ्चित हुन पुगेका उक्त प्रतिवेदनमा जनाइएको थियो।



युक्तराज्य अमेरिकाको अलास्कालाई केन्द्रविन्दु बनाएर ७.८ म्याग्नीच्यूडको शक्तिशाली भूकम्प गएको छ।

भूकम्प जमिनको सतहबाट करिब १० किलोमिटर गहिराईमा आएको थियो । उक्त भूकम्पका कारण कुनै जनधनको क्षति भएको बारेमा विवरण प्राप्त भइसकेको छैन।



हङकङमा बुधबार मध्यरातिदेखि लागु हुने गरी नयाँ कडा प्रतिबन्धहरु लागु गरिएको बताइएको छ । 

विभिन्‍न सार्वजनिक स्थानमा रहँदा तथा कार्यालयमा रहँदा अनिवार्य मास्क लगाउनुपर्ने प्रावधान राखिएको छ। 

कसैले पनि उक्त नियम उल्लंघन गरेमा ५ हजार हङकङ डलर तथा ६४५ अमेरिकी डलर तिर्नुपर्ने प्रवाधान राखिएको छ। 


सम्बन्धित सामग्री

‘जनकपुर साहित्य महोत्सव’ सुरु हुँदै

जनकपुरधामको ऐतिहासिकता पौराणिकतालाई प्रचारप्रसार गर्ने उद्देश्यले ४ दिवसीय (फागुन १९ देखि फागुन २२ सम्म) जनकपुर साहित्य महोत्सवको आयोजना हुन भएको छ। के-कस्ता सेसनहरू रहनेछन् ? को-को रहनेछन् वक्ताहरू ? आउनुहोस्, जानौं ।

छोटकरी सम्पादक

सल्यानटारमा डोजरको ठक्करबाट महिलाको मृत्यु, स्थानीयले गरे डोजरमा आगजनी

धादिङको त्रिपुरासुन्दरी गाउँपालिका- १ सल्यानटार खोल्सी नजिक डोजरले ठक्करबाट एक महिलाको मृत्यु भएको छ। घटनास्थलमा रहेका स्थानीय बासीन्दाका अनुसार डोजरको ठक्करपछि घाइते भएकी महिलालाइ जिउदै अवस्थामा डोजरले माटो खनेर पुरिदिएको भन्दै डोजरमाथि आगजानी गरेका छन्।

छोटकरी सम्पादक

ताप्लेजुङको दोभान बजारमा लागेको आगो नियन्त्रणमा, ४९ घर जलेर खरानी

ताप्लेजुङको मेरिङदेन गाउँपालिका–३ स्थित दोभान बजार लागेको आगो नियन्त्रणमा आएको छ । आगलागीबाट दोभान बजारका ४९ घर जलेर नष्ट हुँदा डेरा गरी बसेकासहित ७१ परिवार विस्थापित भएका छन् । कसरी लाग्यो आगो ?

छोटकरी सम्पादक

फेवातालको नयाँ क्षेत्रफल प्रश्नको घेरामा, १५ सय ४५ रोपनी क्षेत्रफल घटेको दाबी

फेवातालको चार किल्ला निर्धारण, सीमांकन तथा नक्सांकन समितिको प्रतिवेदन सार्वजनिक भएको छ । प्रतिवेदनअनुसार फेवातालको क्षेत्रफल ५.७२६ वर्गकिलोमिटर अर्थात् ११ हजार दुई सय ५५ रोपनी ११ आना एक पैसा छ ।

छोटकरी सम्पादक

कोरोनाविरुद्धको थप ५० लाख डोज खोप खरिद गर्दै सरकार

सरकारले कोरोना भाइरस विरुद्धको ५० लाख डोज खोप खरिदको प्रक्रिया अगाडि बढाएको छ । दोस्रो चरणको खोप कार्यक्रम सरकारले फागुन २३ गतेदेखि सुरु गर्न लागेको छ । जसमा ५५ वर्ष र माथिका नागरिकलाई लगाउने तयारी सरकारको छ ।

छोटकरी सम्पादक

प्रधानमन्त्रीलाई ‘सुरक्षा थ्रेट’ : प्रोपोगाण्डा कि वास्तविकता ?

'अत्‍यन्तै तीब्ररूपमा प्रहार भएको छ। शारीरिक हमला नै भयो र ज्यान नै तलमाथि भयो भने अनौठो नमान्नु होला।' मुलुकको कुनै सामान्य नागरिकको त्रासमय अभिव्यक्ति होइन यो। यसप्रकारको अभिव्यक्ति प्रधानमन्त्री केपी शर्मा ओलीबाटै आएको हो। जम्बो सुरक्षाकर्मीको घेरामा रहेका प्रधानमन्त्रीलाई के कारण भयो सुरक्षा थ्रेट?

छोटकरी सम्पादक

चीनले नेपाललाई थप ३ लाख डोज खोप दिने

चीनले नेपाललाई अनुदानमा दिने कोभिड–१९ को खोप संख्यालाई बढाएर आठ लाख डोज पुर्‍याएको छ । चीनले सरकारी कम्पनी सिनोफार्मले उत्पादन गरेको भ्याक्सिन उपलब्ध गराउने प्रतिबद्धता व्यक्त गरेको हो । जसलाई नेपालमा पनि प्रयोग गर्नको लागि नेपाल सरकारले स्वीकृति दिइसकेको छ ।

छोटकरी सम्पादक