रौतहट। लुम्बिनी विकास बैंक लिमिटेड गौर शाखाले गौर आँखा अस्पताललाई संस्थागत सामाजिक उत्तरदायित्वअन्तर्गत विभिन्न सामग्री सहयोग गरेको छ । सहयोग सामग्री बैंकका शाखा प्रबन्धक सुबोध कोइरालाले सोमवार एक कार्यक्रमका बीच अस्पतालका प्रमुख व्यवस्थापक नागेश्वर चौधरीलाई हस्तान्तरण गरेका हुन् । अस्पतालमा उपचारका लागि आउने बिरामीलाई बस्न सहज होस् भन्ने उद्देश्यले स्टिल बेन्च सहयोग गरेको बैंकले जानकारी दिएको छ । यसअघि बैंकको चन्द्रपुर शाखाले चन्द्रपुर खानेपानी कार्यालयलाई कम्प्युटर सेट र जनज्योति बहुमुखी क्याम्पसमा सेनिटरी प्याड भेन्डिङ मेसिन तथा सेनिटरी प्याड डिस्पोजल मेसिन सहयोग गरेको बताइएको छ ।
रौतहट। लुम्बिनी विकास बैंक लिमिटेड चन्द्रनिगाहपुर शाखाले खानेपानी तथा सरसफाई उपभोक्ता समितिलाई एक थान कम्प्युटर उपलब्ध गराएको छ । चन्द्रनिगाहपुर खानेपानी कार्यालयमा एक कार्यक्रमका बीच कम्प्युटर सेट हस्तान्तरण गरिएको बैंकका शाखा प्रबन्धक सुबोध कोइरालाले जानकारी दिए । बैंकले आर्थिक कारोबार मात्र नभई सामाजिक उत्तरदायित्व अन्तर्गत विभिन्न किसिमका कार्यक्रम गर्दै आएको उनको भनाइ छ । खानेपानी तथा सरसफाइ कार्यालयलाई प्रविधिमैत्री बनाउने उद्देश्यले कम्प्युटर सेट उपलब्ध गराइएको उनले बताए । यसअघि बैंकले जनज्योति क्याम्पस चन्द्रनिगाहपुरका छात्राको स्वस्थ्यलाई ध्यानमा राखी सेनिटरी प्याड भेन्डिङ मेसिन तथा सेनिटरी प्याड डिस्पोज मेसिन सहयोग गरेको थियोे ।