काठमाण्डाै – नेपाल सुपर लिग (एनएसएल) फुटबल प्रतियोगितामा काठमाण्डौ रेजर्सले बुटवल लुम्बिनीलाई हराएको छ ।
त्रिपुरेश्वरको दशरथ रङ्गशालामा मङ्गलवार भएको खेलमा काठमाण्डौले बुटवललाई एक–शून्यले हराएको हो । काठमाण्डौका लागि खेलको पाँचो मिनेटमा स्टेफेन विनोङ समिरको गोल निर्णायक बन्यो ।
यो जितसँगै काठमाण्डौ चार खेलमा सात अङ्क जोड्दै तालिकाको तेस्रो स्थानमा उक्लिँदा बुटवल चार खेलमा पाँच अङ्कसहित चौथो स्थानमा पुगेको छ ।
प्रतियोगितामा बुधवार (भोलि) धनगढी एफसी र पोखरा थन्डर्स खेल्दैछन् ।
