जेठ २, काठमाडौं । शिखर इन्स्योरेन्स कम्पनीले हकप्रद शेयर निष्कासन प्रक्रिया अगाडि बढाएको छ ।
कम्पनीले हकप्रद शेयर निष्कासन गर्नका लागि इक्रा नेपालमा रेटिङ गराएको हो । इक्रा नेपालले कम्पनीको हकप्रदलाई इक्रा एपीआरए रेटिङ प्रदान गरेको छ ।
यस्तो रेटिङले कम्पनीले समयमा आफ्ना दायित्व पुरा गर्न सक्ने जनाउँछ ।
कम्पनीको क्रेडिट रिस्क कम रहेको उल्लेख गरेको छ । कम्पनीले ३० प्रतिशत हकप्रद शेयर निष्कासन गर्ने प्रस्ताव साधारण सभाबाट पारित गरिसेकको छ । कम्पनीले उक्त हकप्रद शेयर निष्कासन गर्नका लागि नियामक निकाय बीमा समितिबाट पनि स्वीकृति पाएको जानकारी दिएको छ ।
हाल कम्पनीको चुक्तापूँजी रू. १ अर्ब ७५ करोड रहेको छ । ३० प्रतिशत हकप्रद शेयर निष्कासन पछि पूँजी रू. २ अर्ब २८ करोड पुग्नेछ ।
कम्पनीले हकप्रद शेयर निष्कासन गर्ने भएसँगै शेयर मूल्य आइतवार यो समाचार तयार पार्दाको अवधि ११ : २० बजेसम्ममा ९ दशमलव ५६ प्रतिशतले वृद्धि भएको छ । योदिन कम्पनीको शेयर मूल्य प्रतिकित्ता रू. २ हजार १२० पुगेको हो ।