बेलायतमा कार्यरत एम्बुलेन्स कर्मचारीद्वारा बुधबार गरिएको हड्तालका कारण स्वास्थ्य क्षेत्र अस्तव्यस्त बनेको छ । तलब वृद्धि गर्न माग गर्दै दवाव स्वरूप उनीहरू हड्तालमा उत्रिएका हुन् ।युनाइट, जीएमबी र युनीसनका सदस्यहरु हड्तालमा उत्रिएका छन् । इंग्ल्याण्ड र वेल्सका ११ वटा एम्बुलेन्स सेवामध्ये ८ वटा सेवाका दसौँ हजार कर्मचारीले हड्ताल गरेका छन् ।एम्बुलेन्स कर्मचारीलगायत पारामेडिक तथा आकस्मिक कल सेन्टरमा कार्यरत दसौँ हजार कर्मचारी हड्तालमा उत्रिएपछि इमर्जेन्सी सेवामा नराम्रो प्रभाव परेको छ ।
