प्रधानमन्त्रीको सरकारी निवास बालुवाटरमा आइतबार बसेको सत्ता गठबन्धनका शीर्ष नेताहरूको बैठकले एमसीसी अनुमोदन गर्ने निर्णय गरेको छ । व्याख्यात्मक टिप्पणीसहित एमसीसी अनुमोदन गर्न सत्ता गठबन्धनमा रहेका दलहरुबीच सहमति भएको हो ।
काठमाडौं, १५ फागुन । सत्ता गठबन्धनको बैठक सम्पन्न भएको छ । प्रधानमन्त्रीको सरकारी निवास बालुवाटारमा बसेको बैठकले संसदमा उठेका प्रश्नहरुमा सरकारको जवाफ र व्याख्यात्मक टिप्पणीसमेत संलग्न हुनेगरी एमसीसी सम्झौता आजै अनुमोदन गर्ने निर्णय गरेको हो । आजकै संसद् बैठकमा एमसीसी अनुमोदन गरिने गठबन्धनको बैठकमा सहभागी कांग्रेस वरिष्ठ नेता रामचन्द्र पौडेलले जनाएका छन् ।
