नेपाल अहिले 'उपचारमुखी' चरणमा अड्किएको छ। सन् २०३० को दिगो विकास लक्ष्य र दिगो स्वास्थ्य लक्ष्य भेट्न हामीले आफ्नो विकासको ढाँचालाई नै बदल्नुपर्ने देखिन्छ। यदि हामीले अस्पतालको पर्खालभन्दा बाहिर निस्केर खाद्य सुरक्षा, लागुऔषध नियन्त्रण, सुरक्षित सडक र स्वच्छ वातावरणलाई स्वास्थ्यको मेरुदण्ड मान्न सक्यौँ भने मात्र नेपालले साँच्चै एउटा समृद्ध र दिगो स्वास्थ्य प्रणाली भएको राष्ट्रको पहिचान बनाउन सक्नेछ।