निराशाको यो औँसीको रातका बीच पनि एउटा मधुरो दियो बलिरहेकै थियो। हिजो मात्रै एकजना गम्भीर घाइते युवक निको भएर घर फर्कँदै गर्दा उनलाई एउटा सानो कागजको टुक्रा थमाएर गएका थिए, जसमा लेखिएको थियो, “सिस्टर, तपाईँको सेवा, मनोबल उच्च राख्ने उत्प्रेरणा र सहनशीलताले मलाई औषधिले भन्दा छिटो निको बनायो। तपाईँ हुनुहुन्छ र त हामी बाँच्छौँ। तपाईँजस्तै नर्स सबै अस्पतालका बिरामीले पाऊन्, थ्याङ्क यू।”