पोखरा–सिमरा हवाई सेवा सुचारु गर्न जोड

वीरगंजबाट सुरु भएको ‘जाउँ है पोखरा’ अभियानका क्रममा व्यावसायीले पोखरालाई सिमरासम्म सिधा हवाई सञ्जालमार्फत जोड्नमा चाँसो दिएका छन। आन्तरिक पर्यटन प्रवर्द्धन गर्ने उद्देश्य सहितको अभियान लिएर गएका पोखराका पर्यटन व्यावसायीले वीरगञ्जका व्यवासायीसँगको छलफलका क्रममा सिधा हवाई सेवा नहुँदा पर्यटकको यात्रामा असहज भएको बताएका थिए। सिधा हवाई सेवा सञ्जालको बिस्तारका लागि दुईवटै सहरका व्यावसायी एकजुट हुनुपर्नेमा उनीहरुको जोड थियो।