चीनका राजदूत र स्वास्थ्य मन्त्री शिष्टाचार भेट : परम्परागत चिकित्सा प्रणाली, जनस्वास्थ्य र पूर्वाधार विकास सहकार्यको प्रस्ताव

भेटका क्रममा नेपाल–चीनबीच लामो समयदेखि रहँदै आएको घनिष्ठ सम्बन्ध तथा आपसी सहयोगका विविध विषयमा छलफल भयो। मन्त्री मेहताले चीन सरकारले नेपाललाई सुखदुःखका विभिन्न समयमा प्रदान गरेको सहयोग तथा स्वास्थ्य क्षेत्रका विभिन्न परियोजनामा पुर्‍याएको योगदानको प्रशंसा गरिन्। उनले नवनियुक्त राजदूतको सफल कार्यकालको शुभकामना व्यक्त गर्दै चीनको प्रशंसनीय विकासबाट नेपालले पनि सिकेर अघि बढ्नुपर्ने धारणा राखिन्।