नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टीमा विचारमा स्खलित र पदलोलुप प्रवृत्ति हावी हुँदै गएको बताएका छन्। हिजो जनतासँग जोडिएर जनताका काम गरेका कार्यकर्ता वर्ग आज पद, प्रतिष्ठा र पैसाकोपछि रुपान्तरित हुन थालेका भन्दै उनले चिन्ता व्यक्त गरेका हुन्। वाईसीएल नेपालको राष्ट्रिय भेलालाई शनिबार काठमाडौंमा सम्बोधन गर्दै प्रचण्डले फेरी जनताको मन जित्नेगरी काम गर्न कार्यकर्तालाई आह्वान गरे।