गोपालप्रसाद भट्टराई/सन्धिखर्क ।।
राष्ट्रिय जनमोर्चाका अध्यक्ष चित्रबहादुर केसीले अर्घाखाँचीको विरोधसभालाई सम्बोधन गर्नुहुने भएको छ ।
संसद पुनः स्थापनासँगै गणतन्त्र, राष्ट्रियता र धर्म निरपेक्षताको पक्षमा तथा सङ्घीयता र भ्रष्टाचारको विरुद्धमा शक्ति प्रदर्शनसहित राजमो अर्घाखाँचीले माघ ३० गते सन्धिखर्कमा आयोजना गरेको बृहत् विरोधसभालाई अध्यक्ष केसीले सम्बोधन गर्न थाल्नुभएको हो ।
राजमो र विभिन्न मोर्चाका पदाधिकारीसहित शनिवार सम्पन्न जिल्ला भेलाले यस्तो निर्णय गरेको हो ।
भेलामा प्रमुख अतिथि अखिल नेपाल किसान महासङ्घका केन्द्रीय अध्यक्ष भैरवराज रग्मीले सम्बोधन गर्दै संसद विघटन गरेर सरकारले गणतन्त्रमाथि कू गरेको र प्रतिगामी शक्तिलाई प्रश्रय दिएको आरोप लगाउनुभएको छ ।
कार्यक्रममा राजमोका नेता शेरबहादुर बिसी, केन्द्रीय सदस्य झबिलाल थापालगायतको आतिथ्यता रहेको थियो ।
राष्ट्रियता एवम् मुलुकको परिवर्तनका उपलब्धिको रक्षार्थ आम जनतालाई सचेत पार्न र सरकारलाई खबरदारी गर्न आयोजना गरिने उक्त कार्यक्रमलाई राष्ट्रिय जनमोर्चाका केन्द्रीय अध्यक्ष चित्रबहादुर केसीको विशेष सम्बोधन रहने राजमो अर्घाखाँचीले जनाएको छ ।
विघटित संसदको पुनःस्थापनाको पक्षमा र प्रतिगमनका विरुद्ध सङ्घर्षका कार्यक्रम तय गर्न राजमो अर्घाखाँचीले आज सन्धिखर्कमा आयोजना गरेको अगुवा कार्यकर्ता भेलाबाट यस्तो कार्यक्रम तय गरिएको हो ।
राष्ट्रियता, गणतन्त्र, धर्म निरपेक्षताको रक्षार्थ शक्ति बढाउँदै देश र जनताको हितका विरुद्ध उठेका मुद्दालाई परास्त गर्न सहयोग पुगोस् भन्ने हेतुले जिल्लाका छ वटै पालिकाबाट हजारौँ कार्यकर्ता सन्धिखर्कमा उतारेर बृहत् विरोधसभा गर्ने ठेगान भएको राजमो जिल्लाध्यक्ष थम्मन केसीले जानकारी दिनुभएको छ ।
‘वर्तमान सरकारले संसद विघटन गरेपछिको उत्पन्न राजनितिक घटनाक्रमले मुलुकको भविष्य नै धरासायी अवस्थामा पु¥याएको छ’ जिल्लाध्यक्ष केसीले भन्नुभयो– ‘यस्तो अवस्थामा देश र जनताको पक्षमा सडक सङ्घर्ष चर्काउने राजमोको केन्द्रीय कार्यक्रमअनुसार नै हामीले अर्घाखाँचीमा माघ महिनाभर सङ्घर्षका विविध कार्यक्रम गर्ने निर्णय गरेका छौँ ।’
थम्मन केसीको अध्यक्षता, उपाध्यक्ष गोपाल पौडेलको स्वागत मन्तव्य र जिल्ला सचिव बाबुराम पन्थीको सञ्चालनमा सम्पन्न उक्त भेलाले माघ ७ गते जिल्लाका छ वटै पालिकामा भेला गर्ने, माघ १५ गते युवक सङ्घको आयोजनामा मोटरसाइकल र्याली गर्ने, माघ २६ सम्म जिल्लाभर सबै नेता÷कार्यकर्ता परिचालन भएर सरकार र प्रतिगमनका विरुद्ध जनतालाई सचेत बनाउन अभियान सञ्चालन गर्ने र ...
