नक्कली लाइसेन्स प्रकरण: पूर्व कम्प्युटर अपरेटर पक्राउ
नक्कली लाइसेन्स प्रकरणमा यातायात व्यवस्था विभागका पूर्व कम्प्युटर अधिकृत पक्राउ परेका छन्। केही बेर अघि प्रहरीको केन्द्रीय अनुसन्धान ब्युरो (सिआइबी) ले विभागका पूर्व कर्मचारी वसन्त पाण्डेलाई पक्राउ गरेको हो।
केन्द्रीय अनुसन्धान ब्युरो (सिआइबी) ले नक्कली लाइसेन्स प्रकरणमा थप दुई जनालाई पक्राउ गरेको छ । पक्राउ पर्नेमा इलाका प्रहरी कार्यालय सल्यानमा कार्यरत कम्प्युटर अपरेटर गणेश भण्डारी र यातायात व्यवस्था विभाग काठमाडौँमा कार्यरत कम्प्युटर अपरेटर दीपा न्यौपाने रहेका छन् । ब्युरोका प्रवक्ता होविन्द्र बोगटीका अनुसार भण्डारीलाई बुधबार र न्यौपानेलाई बिहीबार पक्राउ गरी अनुसन्धान सुरु भएको छ । यससँगै नक्कली लाइसेन्स प्रकरणमा पक्राउ पर्नेको सङ्ख्या ११ पुगेको ब्युरोले जनाएको छ ।
