धरानस्थित बीपी कोइराला स्वास्थ्य विज्ञान प्रतिष्ठानका चिकित्सकले पदोन्नति माग गर्दै सामूहिक राजीनामा दिएर धर्ना बसेको एक साता नाघिसकेको छ । आन्दोलनरत पक्ष र प्रतिष्ठानबीच उत्पन्न समस्या समाधान गर्न सरकारले चासो नदिँदा सर्वसाधारण बिरामीको स्वास्थ्य उपचार सेवा, चिकित्सा शिक्षा अध्ययनरत एक हजारभन्दा बढी विद्यार्थीको पठनपाठन तथा परीक्षा प्रभावित भएको छ । प्रतिष्ठान पदाधिकारी, स्वास्थ्य मन्त्रालय र सरकारले चासो नलिँदा अन्योल सिर्जना भएको हो ।
