वीरगन्ज महानगरपालिका–१८ भवानीपुरस्थित सुपर ग्यास उद्योगको प्लान्टमा बुधबार बिहान भीषण आगलागी हुँदा करोडौं रुपैयाँ क्षति भएको छ । आगलागीमा परेर दुईजनाको मृत्यु भएको छ भने घाइते भएका तीन जनामध्ये दुई जनाको अवस्था चिन्ताजनक छ । आगलागीमा परी मृत्यु हुनेमा वीरगन्ज महानगरपालिकाको वारुणयन्त्रका अग्नी नियन्त्रक यादवप्रसाद अधिकारी छन् भने एक जनाको सनाखत हुन सकेको छैन । घटनामा पुगेको क्षतिको पूरा विवरण भने अझै आउन बाँकी छ ।
