टेकराज भुसाल, अर्घाखाँची ।
राष्ट्रिय जनमोर्चा भूमिकास्थान नगर समितिले संसद विघटनको विरुद्धमा नगरव्यापी विरोध कार्यक्रम जारी राखेको छ ।
अखिल नेपाल किसान महासंघ (अप्पा) का केन्द्रीय अध्यक्ष भैरवराज रेग्मी, राष्ट्रिय जनमोर्चाका केन्द्रीय सदस्य झविलाल थापा, जिल्ला अध्यक्ष थम्मन केसी, अखिल नेपाल टेड युनियन (अन्टुक) का केन्द्रीय उपाध्यक्ष गोबिन्द पोख्रेल लगायतको विशेष उपस्थितिमा भूमिकास्थान नगरपालिकाका १,२,३,४,५,६ र ९ नम्बर वडाका विभिन्न टोलमा कार्यक्रम सम्पन्न भएको छ भने अन्य वडाका टोलमा जारी रहेको राष्ट्रिय जनमोर्चाले जनाएको छ ।
माघ १५ गते जिल्लाको सदरमुकाम सन्धिखर्कमा युवक मोर्चाले आयोजना गरेको मोटर साइकल र्याली र माघ ३० गते राष्ट्रिय जनमोर्चाले सन्धिखर्कमा आयोजना गरेको बृहत् जन–प्रदर्शनमा उपस्थित हुन राष्ट्रिय जनमोर्चाले सबैसँग आग्रह समेत गरेको छ ।