सोलुखुम्बु : जिल्लाको सोलु्दुधकुण्ड नगरपालिका-२ फेरामा भेटिएको सकेट बम डिस्पोज गरिएको छ।ओखलढुंगाबाट आएको नेपाली सेनाको बम डिस्पोजल टोलीले उक्त बम मंगलबार साँझ डिस्पोज गरेको सोलुखुम्बुका प्रहरी प्रमुख प्रहरी नायव उपरीक्षक कवित कटवालले जानकारी दिए।प्रहरीका अनुसार स्थानीयले मंगलबार बिहान बारीमा काम गर्ने क्रममा उक्त बम भेटेपछि प्रहरीलाई खबर गरेका थिए। निक्कै पुरानो जस्तो देखिएको उक्त बम द्वन्द्वकालीन समयमा लुकाइएको हुनसक्ने सोलुखुम्बुका प्रमुख जिल्ला अधिकारी गणेशबिक्रम शाहीले बताए।
