काठमाडौं। गृह मन्त्रालयले दार्चुलाको घट्नाको छानबिन गरी वास्तविकता पत्ता लगाउन निर्देशन दिएको छ। तुइनबाट महाकाली नदी तर्ने क्रममा एसएसबीले तुइन काटिदिँदा महाकाली नदीमा खसेर बेपत्ता भएका जयसिंह धामीबारे सार्वजनिक भएका कुराप्रति ध्यानाकर्षण गर्दै मन्त्रालयले सत्य तथ्य छानबिन गरी वास्तविकता बाहिर ल्याउन निर्देशन दिएको मन्त्रालयका प्रवक्ता फणीन्द्रमणि पोखरेलले बताए। गृहले स्थानीय र सुरक्षा निकायलाई छानबिनको लागि आवश्यक निर्देशक दिइसकेको छ।
