क्यानडास्थित नेपाली दूतावासले अध्ययनका लागि क्यानडा आउने तयारी गरिरहेका नेपाली विद्यार्थीलाई सचेत गराएको छ । दूतावासले शुक्रबार विज्ञप्ति जारी गर्दै निकट भविष्यमै नयाँ शैक्षिकसत्रको सुरुआत हुन लागेकाले अध्ययनका लागि क्यानडा आउने विद्यार्थीले भाषा, सांस्कृतिक भिन्नता, बस्ने खानेको प्रबन्ध, स्वास्थ्य बीमालगायतका विषयमा आवश्यक तयारी गरेर मात्र क्यानडा आउन आग्रह गरेको हो ।