मुम्बई। मुम्बई प्रहरीले टेलिभिजन अभिनेत्री तुनिषा शर्माको मृत्युको कारण आत्महत्या रहेको बताएको छ। मुम्बइ प्रहरीका एसीपी चन्द्रकान्त जाधवले अभिनेत्री शर्माको को–स्टार शीजान खानसँग प्रेम सम्बन्ध रहेको र १५ दिनअघि ब्रेकअप भएपछि शुटिङ स्थलमा उनले आत्महत्या गरेको बताएका हुन्। आत्महत्या गर्न उक्साएको आरोपमा शीजानलाई पक्राउ गरिएको उनले जनाए। शर्मा शनिबार शुटिङ स्थलमा मृत अवस्थामा भेटिएकी थिइन्।