पोखरा। नेपाल पत्रकार महासंघ कास्कीका सदस्य कृष्णप्रसाद पराजुलीको आज असामयिक निधन भएको छ। विगत तीन दशकदेखि पत्रकारिता क्षेत्रमा सक्रिय रहँदै आउनुभएका ५४ वर्षीय पराजुलीको पोखरा लेखनाथ महानगरपालिका–८ सिमलचौरस्थित आफ्नै निवासमा निधन भएको हो। जण्डिस रोगका कारण कलेजो र फोक्सोको समस्याले ग्रसित भएका पराजुली केही दिनअघि काठमाडौँबाट उपचार गरी घरमै आराम गरिरहेका थिए।
