काठमाडौं । ग्यालेक्सी पब्लिक स्कुल ज्ञानेश्वरमा ‘प्याडिलक्स गर्ल्स अन ह्वील्स’ प्रतियोगिता चैत ११ गते सम्पन्न भएको छ । राउण्ड टेबल नेपालअन्तर्गतका काठमाडौं एस राउण्ड टेबल नेपाल २१, काठमाडौं रोयल्स राउण्ड टेबल २३ र काठमाडौं रोयल्स लेडिज सर्कल ७ को आयोजनामा प्रतियोगिता गरिएको बताइएको छ ।
प्रतियोगितामा सृजना कोइराला र प्रज्ञा सापकोटाको जोडी प्रथम भएका थिए । यसैगरी मुस्कान अग्रवाल र तानिषा अग्रवालको जोडी दोस्रो तथा दीपा थापा र काजल श्रेष्ठको जोडी तेस्रो भएका थिए ।
विजेतालाई काठमाडौं एस २१ का अध्यक्ष निश्चल रुंगटा, काठमाडौं रोयल्स २३ का अध्यक्ष हिमांशु गोल्छा र काठमाडौं रोयल्स लेडिज ७ का अध्यक्ष शिवानी अग्रवालले पुरस्कार तथा प्रमाणपत्र वितरण गरेका थिए ।
स्कुटरमा चढेर विभिन्न खेलमा सहभागी भई प्राप्त गरेको अंकका आधारमा विजेता घोषणा गरिएको कार्यक्रम संयोजक सिद्धार्थ जाजोदियाले जानकारी दिए । त्यस्तै आरटीआई दिवसको अवसरमा संस्थाले रक्तदान कार्यक्रम गरेको छ । रक्तदान कार्यक्रमबाट १ हजार २८५ पिन्ट रगत संकलन गरेको बताइएको छ ।
काठमाडौं, वीरगञ्ज, विराटनगर, बिर्तामोड, धरान, नेपालगञ्ज, धनगढी, हेटौंडा, चितवन, नारायणगढ, जनकपुर लगायत शहरमा रक्तदान कार्यक्रम राखिएको आयोजकको भनाइ छ ।