काठमाडौँ, ९ मङ्सिर। चितवनमा आयोजित नेकपा (एमाले)को १० औं महाधिवेशनको उद्घाटन समारोहमा भारतीय जनता पार्टीका नेताहरु सहभागी हुने भएका छन्। एमाले अध्यक्ष केपी शर्मा ओलीको निमन्त्रणा स्वीकार गरेर भाजपाका नेताद्वय डा. हर्ष वर्धन र हरिश द्विवेदी उद्घाटन समारोहमा शुभकामना दिन आउन लागेको जनाइएको छ । हर्षवर्धन भारतका पूर्व-केन्द्रीय मन्त्री हुन् भने द्विवेदी भाजपाका सचिव हुन्।
