कर्णाली नदी नियन्त्रण व्यवस्थापन आयोजना राजापुरले ५ वर्षमा ७३ किलोमिटर तटबन्ध निर्माण गर्ने लक्ष्य राखेको थियो । तर निर्माण थालिएको ७ वर्ष भइसक्दा २५ प्रतिशत पनि काम हुन सकेको छैन । २०७१ सालबाट सुरु भएकामा अहिलेसम्म २१ किमि मात्र तटबन्ध बनेको आयोजनाले जनाएको छ । आयोजनाका कर्मचारी र ठेकेदारको लापरबाहीका कारण निर्माणले गति लिन नसकेको स्थानीयको आरोप छ । बेलैमा तटबन्ध नबन्दा बर्सेनि कर्णाली नदीको बाढीले खेतीयोग्य जमिन कटान गर्ने क्रम बढ्दो छ ।
