काठमाडौं । सिनर्जी पावर डेभलपमेन्ट लिमिटेडले लिलामीमा ल्याएको अवितरित हकप्रद शेयर बाँडफाँट भएको छ । कम्पनीले मंसिर ६ गते शेयर बाँडफाँट गरेको हो ।
कम्पनीले हकप्रद निष्कासन गर्दा विक्री नभएको सर्वसाधारण समूहतर्फको ५ लाख ६३ हजार २ सय ६१ कित्ता शेयर लिलामीमा ल्याएको थियो ।
उक्त लिलामीको शेयरको कट अफ मूल्य १४२ रुपैयाँ ६० पैसा कायम भएको विक्री प्रबन्धक सानिमा क्यापिटलले जनाएको छ । १४२ रुपैयाँ ६० पैसाभन्दा माथि कबुल गर्ने सबैले शेयर पाएका छन् भने १४२ रुपैयाँ ६० पैसामा कबुल गर्नेलाई समानुपातिक रूपमा सापेक्षिक भार अनुसार शेयर बाँडफाँट गरिएको छ ।
लिलामीमा शेयर नपरेका आवेदकलाई कम्पनीले आज मङ्सिर ७ गतेदेखि पैसा फिर्ता गरिने जनाइएको छ । आवेदन फारममा उल्लेख गरिएको खातामा आईपीएसमार्फत रकम ट्रान्सफर गरिने क्यापिटलले उल्लेख गरेको छ । पैसा फिर्ता आए/नआएको यकिन गर्न र नआएको खण्डमा क्यापिटलमा सम्पर्क गर्न पनि क्यापिटलले अनुरोध गरेको छ । कम्पनीले कात्तिक १ देखि १५ गतेसम्म शेयर लिलामीमा ल्याएको थियो ।
कम्पनीले १ कित्ता शेयर बराबर ०.५ कित्ता अर्थात् ५० प्रतिशत अनुपातमा हकप्रद शेयर विक्री गरेको हो । हकप्रदमा विक्री नभएको शेयर कम्पनीले लिलाम गरी बाँडफाँट गरेको हो ।
सूचना हेर्न यहाँ क्लिक गर्नुहोस्
काठमाडौं । अरुण काबेली पावर लिमिटेडले लिलामीमा ल्याएको अवितरित हकप्रद शेयर बाँडफाँट भएको छ । कम्पनीले मङ्सिर ४ गते शेयर बाँडफाँट गरेको हो ।
कम्पनीले हकप्रद निष्कासन गर्दा विक्री नभएको सर्वसाधारण समूहतर्फको २० लाख १४ हजार ८ सय १७ कित्ता शेयर लिलामीमा ल्याएको थियो ।
उक्त लिलामी शेयरको कट अफ मूल्य १४६ रुपैयाँ १० पैसा कायम भएको विक्री प्रबन्धक नबिल इन्भेष्टमेन्ट बैंकिङ्गले जनाएको छ । १४६ रुपैयाँ १० पैसाभन्दा माथि कबुल गर्ने सबैले शेयर पाएका छन् भने १४६ रुपैयाँ १० पैसामा कबुल गर्नेलाई समानुपातिक रूपमा सापेक्षिक भार अनुसार शेयर बाँडफाँट गरिएको छ । बाँडफाँटमा नपरेको शेयर बापतको रकम फिर्ता मङ्सिर ६ गतेदेखि आईपीएसमार्फत रकमान्तर गरिने कम्पनीले जानकारी दिएको छ ।
कम्पनीले असोज ३० देखि कात्तिक १४ गतेसम्म शेयर लिलाम गरेको थियो । कम्पनीले १ कित्ता शेयर बराबर १ कित्ता अर्थात् १०० प्रतिशत अनुपातमा १ करोड ८५ लाख ५२ हजार १ सय ५ कित्ता हकप्रद शेयर निकाष्सन गरेको थियो ।
सूचना हेर्न यहाँ क्लिक गर्नुहोस्
