प्रमुख प्रतिपक्षी दल नेकपा एमालेले लगातार दोस्रो दिन पनि प्रतिनिधि सभा बैठक अवरुद्ध गरेको छ ।
शुक्रवार बसेको प्रतिनिधि सभाको दोस्रो बैठकमा पनि एमाले सांसदहरूले नाराबाजी गरेका हुन् ।
सभामुख अग्नि सापकोटाले बैठक शुरू भएको घोषणा गरेलगत्तै एमाले सांसद दौडेर वेलमा गएर नाराबाजी शुरू गरेका थिए । एमालेको नाराबाजीपछि सभामुखले पहिलो बैठक १५ मिनेटका लागि स्थगित गरेका थिए ।
बुधवार पनि एमालेले लगातार तीनवटा बैठक अवरुद्ध गरेको थियो ।
