काठमाडौं। महालक्ष्मी विकास बैंक लिमिटेडले प्रहरी वृत्त मालीगाँउलाई सामाजिक जनचेतनामूलक पुस्तिका र आवश्यक सम्पर्क नम्बरसहितको स्टिकर प्रदान गरेको छ ।
चाडपर्वको समयमा हुन सक्ने आपराधिक क्रियाकलापलाई नियन्त्रण गर्न, सार्वजनिक सुरक्षा तथा अमनचैन कायम राख्न, सम्भावित अपराधको रोकथाम तथा नियन्त्रण कार्यमा सहयोग पुर्याउने उद्देश्यले जनचेतनामूलक पुस्तिका र आवश्यक सम्पर्क नम्बरसहितको स्टिकर उपलब्ध गराएको बताइएको छ । यसबाट मालीगाउँ वडाक्षेत्र वरपरको सुरक्षा व्यवस्थालाई थप मजबूत बनाउन सहयोग पुग्ने विश्वास बैैंककोे छ । प्रहरी वृत्त मालीगाउँका प्रमुख प्रहरी नायव उपरीक्षक इन्द्रप्रसाद सुवेदी र सामुदायिक प्रहरी सेवाकेन्द्र कालोपुलका वरिष्ठ प्रहरी नायब निरीक्षक वसन्त थापालाई बैैंकका निक्षेप बजारीकरण तथा संस्थागत सम्पर्क विभागका प्रमुख वसन्त बक्सीले उक्त सामग्री हस्तान्तरण गरेका थिए । ग्राहकको आम्दानीमा उच्च प्रतिफल दिन प्रतिबद्घ रहँदै ग्राहकको बैंकिङ आवश्यकता, चाहना तथा अपेक्षालाई ध्यानमा राखी थप गुणस्तरीय वित्तीय सेवा प्रदान गर्न प्रतिबद्घ रहेको बैंकको भनाइ छ ।
