वृत्तान्त खनाल नेपाल क्रिकेट संघ (क्यान)को जनरल म्यानेजर नियुक्त भएका छन् । खानलाई आइतबार क्यानले जनरल म्यानेजर नियुक्त गरेको जनाएको छ ।जनरल म्यानेजरका लागि क्यानले गत फेब्रुअरी १ मा आवेदन माग गरेको थियो । जसमा ३४ जनाको आवेदन परेको थियो । क्यानले २७ मार्चमा ९ जनालाई दोस्रो चरणमा छनोट गरेको थियो ।छनोट भएका ९ जनाबाट क्यानले खानलाई नियुक्ति गरेको हो । खनालको कार्यकाल अप्रिल १६ बाट सुरु हुने क्यानले जनाएको छ ।
