अमेरिकी डलरको मूल्य हालसम्मकै उच्च बिन्दुमा पुगेर कारोबार भएको छ । नेपाल राष्ट्र बैङ्कले सार्वजनिक गरेको विदेशी मुद्रा विनिमयदर अनुसार बिहीबार एक डलरको मूल्य बिक्रीदरतर्फ १३३ रुपियाँ ९६ पैसामा कारोबार भएको छ भने खरिददर पनि १३३ रुपियाँ ३६ पैसामा कारोबार भएको छ । बुधबार यो बिन्दुमा पुगेको डलरको विनिमय बिहीबार पनि कायम भएको हो । डलरको मूल्यमा नयाँ नयाँ रेकर्ड ब्रेक भइरहँदा नेपाली मुद्राको अहिलेसम्मकै अवमूल्यन भएको छ ।
