काठमाडौं (अस) । समृद्धि फाइनान्स कम्पनी र ए टु जेड अनलाइन बजारबीच कन्जुमर इएमआई कर्जा प्रवाह सम्झौता भएको छ ।
सम्झौतापछि ५० हजारदेखि ५ लाखसम्मको सामग्री खरिदमा शून्य प्रतिशत ब्याज दरमा ए टु जेड अनलाइन बजार तथा कम्पनीका ग्राहकले ६ देखि ३६ महिना सम्म उक्त कर्जा सुविधा पाउनेछन् ।
सम्झौतामा फाइनान्सका प्रमुख कर्जा अधिकृत सुभाष श्रेष्ठ र ए टु जेड अनलाइन बजारका कार्यकारी सञ्चालक प्रकाश पाठकले हस्ताक्षर गरे ।
फाइनान्स कम्पनीका बजार तथा व्यवसाय प्रवर्द्धन प्रमुख शालिकराम पन्थीका अनुसार उक्त कर्जा नयाँ तथा पुराना ग्राहकलाई लक्षित गरी ल्याइएको हो । यो कर्जाले ग्राहकलाई आवश्यक इलेक्ट्रिक ग्याजेट तथा घरायसी सामग्री खरिद गर्न सहज हुनेछ । समृद्धिले हाल विभिन्न स्थानमा गरी ५ शाखाबाट बैंकिङ सेवा दिँदै आएको छ भने छिट्टै थप शाखा विस्तारको तयारी भइरहेको बताएको छ ।
