एनफिल्डमा लिभरपुलको ६८ खेलको अपराजित यात्रा समाप्त

लिभरपुलको प्रिमियर लिगमा घरेलु मैदानमा लगातार ६८ खेलको अपराजित यात्रा समाप्त भएको छ । बर्नलीले प्रिमियर लिग अन्तगर्त गए राति सम्पन्न खेलमा लिभरपुललाई हराउँदै लिभरपुलको अपराजित यात्रा समाप्त पारेको हो । आश्ले बार्नसले ८३ औं मिनेटमा पाएको पेनाल्टीलाई गोलमा परिणत गर्दा लिभरपुलमाथि बर्नलीले रोमाञ्चक जित हात पार्यो । लिभरपुलका गोलरक्षक लिस्सनले खेल सकिन सात मिनेट मात्रै बाँकी रहँदा बार्नसलाई लडाउन पुग्नुभयो । बर्नलीले सन् १९७४ पछि पहिलो पटक एनफिल्डमा जित हात पारेको हो ।