अब बचत तथा ऋण सहकारी संस्थामा व्यक्तिगत बचतको सीमा नहुने भएको छ । बुधबार बसेको संघीय संसद्को प्रतिनिधिसभा बैठकले सहकारी संस्थामा बचतको सीमा नरहने गरी सम्पत्ति शुद्धीकरणसम्बन्धी विधेयक बहुमतले पारित गरेको हो । जबकि बचतको सीमा नहुँदा सहकारी संस्थामा विकृति बढेको भन्दै सुरुको सहकारी ऐनको संशोधित विधेयकमा २५ लाख रुपैयाँभन्दा बढी व्यक्तिगत बचत राख्न नपाउने व्यवस्था गरिएको थियो ।
