काठमाडौं । नेको इन्सुरेन्स लिमिटेडको विशेष साधारण सभा शुक्रवार सम्पन्न भएको छ । कम्पनी सञ्चालक समितिका अध्यक्ष रोहित कुमार भट्टराईको अध्यक्षतामा काठमाडौं, नक्सालस्थित लिसारा रिसेप्सनमा सभा सम्पन्न भएको हो ।
सभाले हाल कायम चुक्ता पूँजीको २५ प्रतिशत हकप्रद शेयर जारी गर्ने विशेष प्रस्ताव पारित गरेको छ । अब कम्पनीले बीमा प्राधिकरणबाट हकप्रद शेयर निष्कासनको स्वीकृति पाएपछि नियामक निकाय नेपाल धितोपत्र बोर्ड (सेबोन)मा निवेदन दिएर स्वीकृति पाएपछि मात्रै हकप्रद शेयर निष्कासन गर्नेछ ।
कम्पनीको हालको चुक्ता पूँजी २ अर्ब १ करोड रहेको छ । हकप्रद शेयर निष्कासनपछि कम्पनीको चुक्ता पूँजी २ अर्ब ५१ करोड रुपैयाँ पुग्ने छ ।