सिन्धुपाल्चाेक – सिन्धुपाल्चोकको इन्द्रावती गाउँपालिकाको अध्यक्ष र उपाध्यक्षमा एमाले विजयी भएकाे छ ।
अध्यक्षमा एमालेका झम्क नेपाल सात हजार एक सय २७ मत ल्याएर विजयी हुनुभयाे । उहाँका प्रतिस्पर्धी नेपाली कांग्रेसका विकास लामाले ६ हजार एक सय ६८ मत प्राप्त गर्नुभयाे । अध्यक्षमा विजयी नेपाल यसअघि २०७४ को चुनावमा कांग्रेससँग पराजित हुनुभएकाे थियाे ।
यस्तै उपाध्यक्षमा पनि एमालेकी शोभना तामाङ विजयी हुनुभएकाे छ । उहाँले कांग्रेसकी दया मिश्रलाई पछि पार्नुभयाे ।
