जुम्ला : जुम्लामा कर्णालीकै धरोहरका रूपमा स्थापित चन्दननाथ र बटुक भैरवनाथको लिंगो खडा गरी दशैं शुरु भएको छ।जुम्लावासीले चन्दननाथ र बटुक भैरवनाथको लिंगो फेरेपछि विधिपूर्वक घटस्थापना तथा दशैं शुरु भएको मान्ने गरिन्छ। चन्दननाथ मन्दिरमा ५२ हातको लिंगो, ५२ हातको ध्वजा र नेजा लगाएर घटस्थापना गरिएको हो।धार्मिक मान्यताअनुसार एक वर्षमा ५२ हप्ता हुन्छ, त्यसकै प्रतीकस्वरुप चन्दननाथ मन्दिरमा ५२ हातको लिंगो खडा गर्ने प्रचलन रहेको चन्दननाथ भैरवनाथ मन्दिर गुठी व्यवस्थापन समितिका सचिव जितबहादुर महतले बताए।