काठमाडौं। अक्सिजनको अभाव देखाउँदै काठमाडौं विभिन्न अस्पतालले थप बिरामीको उपचार बन्द गरेका छन्। जसमा ग्राण्डी अन्तर्राष्ट्रिय अस्पताल,नागरिक सामुदायिक तथा शिक्षण अस्पताल भक्तपुर,ओम अस्पताल,नर्भिक अस्पताल,मेडिसिटी अस्पताल, त्रिवि शिक्षण अस्पतालले थप संक्रमित बिरामीलाई भर्ना लिन नसक्ने जनाएका छन्।त्यस्तै नेपाल मेडिकल कलेज,मेडिकेयर,हेल्पिङ ह्याण्ड्स,हिमाल अस्पताल,नेपाल भारतमैत्री अस्पतालले अक्सिजन अभाव देखाउँदै संक्रमितको उपचार गर्न नसक्ने बताएका हुन्।
