जुम्लाका एक हजार २६३ जनाको रिपोर्ट नेगेटिभ

सिमामा अलपत्र ४४६ नेपाली मजदुरको उद्दार

जारी लकडाउनका कारण सीमा नाका बन्द हुँदा अलपत्र साढे ४ सय नेपाली मजदुरको उद्धार गरिएको छ । भारतमा मजदुरी गरेर फर्किंदै गरेका कर्णालीका २ सय सहित अन्य प्रदेशका गरी भारतको नानपारामा अलपत्र ४ सय ४६ जनाको उद्धार गरिएको हो । जिल्ला प्रशासन कार्यालय बाँकेको समन्वय, कर्णाली प्रदेश सरकार तथा सम्बन्धीत सबै जिल्ला प्रशासनको समन्वयमा सिमामा अलपत्र मजदुरहरुको उद्धार गरिएको प्रमुख जिल्ला अधिकारी दुर्गा बञ्जाडेले बताईन् । करिब ४५ दिन देखि नानपारामा कष्टकर जीवन बिताइरहेका उनिहरुलाई नेपालगन्जबाट आरडिटि चेकजाँच गरेर शुक्रबार नै उद्धार गरिएको छ । नानपारामा अलपत्र परेका नेपाली मजदुरमध्ये सबैभन्दा धेरै कर्णाली प्रदेशका रहेका छन् । नेपाली एकता समाजको तथ्यांक अनुसार दैलेखका ३६, कालिकोटका ६, जुम्लाका २८ र सुर्खेतका ६ लगायत कर्णालीका २ सय जना कर्णालीका मजदुर सिमानामा अलपत्र थिए । त्यस्तै प्रदेश नं.१ को एकजना, प्रदेश नं.२ का हरिबहादुर नामका एकजना, प्रदेश नं. ३ का चित्र बहादुर तामाङ एकजना, प्रदेश नं. ४ का विष्णु पौडेल सहित ४ जना, प्रदेश नं. ५ का ४४ जना र ७ प्रदेश नं. ७ का नर बहादुर साहुद सहित ४ जना लगायत अन्य सबै गरी सिमामा अलपत्र साढे ४ सयको मजदुरको सबै प्रदेश सरकारले आफ्ना नागरिकलाई उद्धार गरेका छन् । जुम्लाका प्रमुख जिल्ला अधिकारी दुर्गा बञ्जाडेले सीमा नाकामा अलपत्र परेका नागरिकहरूलाई जिल्ला प्रशासन कार्यालय बाँकेको समन्वयमा प्रहरी स्कर्टिङ गरेर जिल्लामा ल्याउने काम भइरहेको बताइन् । जिल्लामा पुग्ने २८ जनालाई जिल्लास्तरीय क्वारेन्टाइन कर्णाली प्राविधिक शिक्षालयमा राख्ने तयारी भइरहेको छ । उद्धार गरी ल्याइएका हिमा गाउँपालिकाका २८ जना नागरिकको नाग्मदेखि प्रहरी स्कर्टिङबाटै क्वारेन्टाइनमा राख्ने व्यवस्था गरिएको प्रहरी नायब उपरीक्षक लालबहादुर धामीले बताए । ११ सय १२ जना क्वारेन्टाइनबाट घर फर्किए कोरोना भाईरस रोकथाम तथा नियन्त्रणका लागि विगत चैत ११ गते यता देश लकडाउनमा छ । जारी लकडाउन बीच भारत तथा तेस्रो मुलुक र जिल्ला बाहिरबाट ११ हजार ३६ जना नागरिक जुम्लामा भित्रिएका छन् । जिल्लामा भित्रिएर क्वारेन्टाईन बसेका मध्ये हालसम्म एक हजार एक सय १२ जना १४ दिन पुरा गरी घर फर्किएका छन् । जिल्ला प्रशासन कार्यालयद्धारा नियमित सार्वजानिक हुने प्रतिबेदन अनुसार शुक्रबार सम्म एक हजार एक सय १२ जना जना घर फर्किएका हुन् । एक नगरपालिका र सात गाउँपालिकाले निर्माण गरेका चार सय ६ बेडको क्वारेन्टाईनमा अहिले ९ जना मात्रै बसेका छन् । जसमा तातोपानी गाउँपालिकाको क्वारेन्टाइनमा ६ जना र पातारासी गाउँपालिकाको क्वारेन्टाईनमा ३ जना गरी ९ जना मात्रै जुम्लामा क्वारेन्टाईनमा बसेको सहायक प्रमुख जिल्ला अधिकारी ओम प्रकाश देवकोटाले बताए । क्वारेन्टाईन बसी १४ दिन पुरा भएकाहरुको ¥यापिड डाइगोनोस्टिक टेष्ट गरेर रिपोर्ट नेगेटिभ आएपछि घर फर्काइएको जनस्वास्थ्य प्रमुख कृष्ण प्रसाद सापकोटाले जानकारी दिए । जुम्लामा हालसम्म एक हजार दुई सय ६३ जनाको स्वाब संकलन गरी पिसिआर परिक्षण तथा दुई सय ६१ जनाको आरडिटी चेक गरिएकोमा सबैको रिपोर्ट नेगेटिभ आएको छ । गएको आईतबार जुम्लामा मेडिकल मार्च नै संचालन गरी एकै दिन आठ सय ४९ जनाको स्वाब संकलन गरिएको थियो ।