फागुन २९, काठमाडौं । साताको पहिलो कारोबार दिन आइतवार नेप्से परिसूचक १०१ दशलमव शून्य ७ अंक अर्थात् ३ दशमलव ९४ प्रतिशत वृद्धि भएको छ ।
यो दिन नेप्से परिसूचक २ हजार ६६७ दशमलव ९७ विन्दुमा पुगेको हो । यो दिन कारोबारमा आएका २२८ ओटा धितोपत्रको ९० लाख २२ हजार ९० कित्ता शेयर ६४ हजार ६३५ पटकमा रू. ४ अर्ब ७ करोड ७ लाख १५ हजार ३७ मा खरीदविक्री भएको छ ।
कारोबारमा आएका २२८ ओटा धितोपत्रमध्ये ५ ओटा धितोपत्रको मूल्यमा सकारात्मक सर्किट लागेको छ । एशियन लाइफ इन्स्योरेन्स, ज्योति लाइफ इन्स्योरेन्स, सानिमा लाइफ इन्स्योरेन्स, इमर्जिङ्ग नेपाल लिमिटेड र कर्पोरेट डेभलपमेण्ट बैंकको शेयरमूल्यमा सकारात्मक सर्किट लागेको हो ।
इर्जिङ्ग नेपाल र कर्पोरेट डेभलपमेण्ट बैंकको शेयरमूल्य अघिल्लो कारोबार दिनको तुलनामा ९ दशमलव ९९ प्रतिशत वृद्धि र बाँकी तीन कम्पनीको शेयरमूल्य १० प्रतिशका दरले वृद्धि भएसँगै सर्किट लागेको हो ।
त्यसैगरी, आइतवार मेगा म्युचुअल फण्ड १ को इकाई मूल्य २ दशमलव ९३ प्रतिशत घटेर प्रतिइकाई रू. ८ दशलमव ९३ कायम भएको छ । त्यस्तै सर्वाधिक शेयर खरीदविक्री हुनेमा शिवम् सिमेण्ट रहेको छ । कम्पनीको रू. ३४ करोड ३६ लाख बराबरको शेयर खरीदविक्री भएको हो ।
यस कम्पनीको शेयरमूल्य प्रतिकित्ता रू. १ हजार २५१ कायम भएको छ । त्यसैगरी, सर्वाधिक शेयर खरीदविक्री हुने दोस्रोमा अपि पावर कम्पनीको रू. ३० करोड १७ लाख बराबरको भएको छ । कारोबारमा आएका १३ समूहकै परिसूचक बढेसँगै समग्र नेप्से परिसूचक बढेको हो ।
आइतवार बजार जीवन बीमा कम्पनीको शेयरमा लगानीकर्ताको आकर्षण रहेको देखिन्छ । उक्त समूहको परिसूचक सबैभन्दा बढी ६ दशमलव ९४ प्रतिशत वृद्धि भएको हो । अधिकांश जीवन बीमा कम्पनीहरुको शेयरमूल्यमा उच्च दरले वृद्धि भएको छ ।
त्यसैगरी बैंकिङ समूहको परिसूचक ३ दशलमव २९ प्रतिशत, ब्यापार समूहको ४ दशलमव ३५ प्रतिशत, होटल एण्ड टुरिजम समूहको ५ दशमलव ३७ प्रतिशत, विकास बैंक समूहको ४ दशमलव ७४ प्रतिशत, हाइड्रोपावर समूहको २ दशमलव ४२ प्रतिशत, वित्त समूहको ५ दशलमव शून्य १ प्रतिशत, निर्जीवन बीमासमूहको ४ दशमलव ९८ प्रतिशत,उत्पादन तथा प्रशोधन समूहको ५ दशलमव शून्य २ प्रतिशत, अन्य समूहको ३ दशमलव ८४ प्रतिशत, अन्य समूहको ३ दशमलव ८४ प्रतिशत, लघुवित्त समूहको ३ दशमलव ३२ प्रतिशत, म्युचुअल फण्ड समूहको १ दशमलव १२ प्रतिशत र लगानी समूहको परिसूचक ४ दशलमव ४९ प्रतिशतका दरले वृद्धि भएको हो ।
नेपाल बैंकर्स संघले बैंकहरुसँग चैत महीनाका लागि ब्याजदर नबढाउने सहमति गरेसँगै शेयर बजारमा सकारात्मक प्रभाव परेको हो । पछिल्लो केही महीना ब्याजदर वृद्धिले गर्दा २ हजार ५०० विन्दुसम्म नेप्से आएको थियो ।
सोही कारण बजारमा कम्पनीहरुको शेयरमूल्य निकै सस्तिएकाले पनि खरीद चाप देखिएको हो । बजार घट्दा होस् या बढ्दा होस् लगानीकर्ताले आफ्नो लगानी रणनीति बनाएर कम्पनीहरुको शेयर खरीदविक्री गर्नुपर्ने हुन्छ ।
