सत्ता र प्रमुख प्रतिपक्ष दलले एकअर्कालाई दबाबमा पार्ने रणनीति लिँदा आपसमा मुठभेड बढ्ने देखिएको छ । प्रमुख प्रतिपक्ष एमालेले आफ्नो चासो सम्बोधन नभएसम्म प्रतिनिधिसभा बैठकलाई सहज रूपमा चल्न नदिने भएको छ । सत्ता गठबन्धनका दलले भने ‘प्रतिपक्षले विरोध गरे पनि आफ्नो काम अघि बढाउने’ निर्णय गरेको छ । बुधबार र शुक्रबार संसद् बैठकमा देखिएको दृश्यले पनि सत्तापक्ष र विपक्षीबीच तत्काल सहमति नभए आगामी बैठक थप जटिल हुने संकेत गरेको छ ।
