रोसी गाउँपालिका–७ थान्सिङबेंसी र नमोबुद्ध नगरपालिका–६ खरिबोट जोड्ने पुल वर्षौंदेखि अलपत्र अवस्थामा छ । जिल्लाको रोसी गाउँपालिकाको थान्सिङबेंसी, सिपाली, सिसाखानी, महादेवटार, शिखरआम्बोटे, खहरेपाँगुलगायत विकट डाँडापारि जान सजिलो हुने पुल नबन्दा जोखिम मोलेर रोसी खोला तर्नुपर्ने बाध्यता छ । रोसी गाउँपालिकाकै विभिन्न वडा, महाभारत गाउँपालिका र खानीखोला गाउँपालिकाका स्थानीय बासिन्दाको सुविधाका लागि २०६५ सालमा पुल निर्माण गर्ने सम्झौता भएर निर्माण कम्पनीले ०६९ सालबाट ठेक्का लिएको पुल अझैसम्म पूरा नहुँदा स्थानीय मर्कामा परेका हुन् ।
