काठमाडौं (अस) । ग्लोबल आइएमई बैंक लिमिटेडले सरल किस्ताबन्दीमा ल्यापटप योजना ल्याएको छ ।
बैंक र लियो क्लब अफ काठमाडौं टेम्पल पिस काभ्रेबीच गुणस्तरीय शिक्षामा प्रविधिको पहुँच परियोजनाअन्तर्गत काभ्रेका शिक्षकलाई सरल किस्ताबन्दीमा ल्यापटप उपलब्ध गराउन सम्झौतापत्रमा हस्ताक्षर भएको हो ।
सम्झौतामा बैंकका बजार व्यवस्थापन तथा व्यवसाय प्रवद्र्धन प्रमुख शान्ता शिवाकोटी र लियो क्लब अफ काठमाडौं टेम्पल पिसका सल्लाहकार तथा गुणस्तरीय शिक्षामा प्रविधिको पहुँच परियोजना संयोजक सुदीप न्यौपानेले हस्ताक्षर गरे ।
सम्झौताअनुसार बैंकले गुणस्तरीय शिक्षामा प्रविधिको पहुँच परियोजनाअन्तर्गत लियो क्लब अफ काठमाडौं टेम्पल पिस काभ्रेको सिफारिसमा काभ्रेमा अध्यापनरत शिक्षकलाई किस्ताबन्दीमा ल्यापटप उपलब्ध गराउनेछ ।
उक्त प्रक्रियामा शिक्षकले ग्लोबल आइएमई बैंकको क्रेडिट कार्ड लिएर इजीबाई इजी पेमार्फत सरल किस्ताबन्दीमा ल्यापटप प्राप्त गर्न सक्नेछन् ।
साथै, बैंकले काभ्रेका शिक्षकका लागि बैंकिङ साक्षारतासम्बन्धी कार्यक्रमसमेत आयोजना गर्नेछ । हाल बैंकले २८० शाखा, २४८ एटीएम, २५७ शाखारहित बैंकिङ, ४७ एक्सटेन्सन तथा राजस्व संकलन काउन्टर र ३ वटा वैदेशिक प्रतिनिधि कार्यालयबाट बैंकिङ सेवा दिँदै आएको छ ।
