काठमाडौं । शाओमीले रेड्मी नोट १२ सिरिजका दुई ओटा मोडलका फोन नेपाली बजारमा सार्वजनिक गरेको छ ।
यस वर्ष रेड्मी नोट १२ सिरिज अन्तर्गत रेड्मी नोट १२ र रेड्मी नोट १२ प्रो ५जी गरी दुईओटा फोनहरू समावेश छन् ।
लन्चको बारेमा बोल्दै शाओमी नेपालका कन्ट्री जनरल म्यानेजर अमित कुमार पंडाले रेड्मीले उचित मूल्यमा नवीनतम प्रविधि थप पहुँचयोग्य फोनहरू बनाइरहेको बताए ।
भर्खरै लन्च भएको फ्ल्यागशिप–लेभल स्पेसिफिकेशन समावेश रेड्मी नोट १२ सिरिजले पनि ब्याट्री ब्याकअप, क्यामेरा सेटअप लगायतका कुरामा राम्रो प्रदर्शन गरेको उनको भनाइ छ ।
Snapdragon®685 मोबाइल प्लेटफर्ममा आएको Redmi Note 12 ले मल्टिटास्किङ अनुभव प्रदान गर्ने कम्पनीको भनाइ छ । जसमा फोटोग्राफी, गेमिङ, अडियो र स्ट्रिमिङमा सहज हुनेछ । Redmi 12 Pro 5G Mediatek Dimensity 1080 प्रोसेसर छ ।
५००० एमएच ब्याट्री जडित भएकाले रेड्मी नोट १२ प्रो ५जी लामो समयसम्म चल्ने कम्पनीको भनाइ छ । यो स्मार्टफोन ६७ वाटको चार्जिङ अडाप्टरको साथ उपलब्ध छ । साथै, यसमा भएको फ्ल्यागशिप ६७ टर्बो चार्जिङ सुविधाले तपाईंलाई १५ मिनेटमै फुल चार्ज हुने छ ।
रेड्मी नोट १२प्रो मा ५० मेगापिक्सेल ट्रिपल क्यामेरा सेटअप रहेको छ जसको मुख्य क्यामेरामा रहेको IMX766 सेन्सरले विशेष हाई–एन्ड फोन सुविधा प्रदान गर्दछ । यसले सबै प्रकारको प्रकाशमा उत्कृष्ट तस्वीर लिन सकिने बताइएको छ ।
Redmi Note 12 को मूल्य २२ हजार ९९९ रुपैयाँदेखि २६ हजार ९९९ रुपैयाँसम्म तोकिएको छ । Redmi 12 Pro 5G को मूल्य ३८ हजार ९९९ रुपैयाँदेखि ४१ हजार ९९९ रुपैयाँसम्म रहेको छ ।
