नेपाल भेटेरिनरी एशोसिएसन र पशु कल्याण संघ नेपालले सुर्खेत र खोटाङमा भएका पशु अधिकार विरुद्धका घटनाबारे गृहमन्त्री रामबहादुर थापाको ध्यानाकर्षण गराएको छ । बाँकेको नेपालगन्ज उपमहानगरपालिकाले कान्जी हाउसबाट झण्डै ३७० को संख्यामा गाईगोरु, बाच्छाबाच्छीलाई ८ वटा ट्रकमा दैलेख लैजाने भनी सुर्खेतको विरेन्द्रनगर नगरपालिका, वडा नं. ११ स्थित दैलेख सुर्खेत सडक खण्डको जंगलमा छोडिएको र सो क्रममा ठूलो संख्यामा गाईगोरु, बाच्छाबाच्छीको मृत्युसमेत भएको घटना र खोटाङस्थित दिक्तेल बजारमा सामुदायिक कुकुर नियन्त्रणको नाममा क्रुरतापूर्वक अमानविय ढङ्गबाट कुकुरलाई मारेको घटनाबारे गृहमन्त्रीको ध्यानाकर्षण गराइएको हो ।