काठमाडौं । प्रोग्रेशिभ फाइनान्सले आइतवारदेखि क्यूआर भुक्तानी टेलर सेवा शुरू गरेको छ । यसबाट ग्राहकलाई साना साना रकम झिक्न र चेक बुक तथा डेबिट कार्डको प्रयोग कम गर्न सघाउने कम्पनीको विश्वास छ । मोबाइल बैंकिङ सेवा सुचारु भएका ग्राहकले संस्थाका कुनै पनि शाखा वा विस्तारित काउन्टरमा गई क्यूआर स्क्यान गरेर रकम भुक्तानी प्राप्त गर्न सकिने बताइएको छ । यसको भुक्तानी सीमा मोबाइल बैंकिङको भुक्तानी सीमा अनुरूपकै रहने कम्पनीको भनाइ छ । फाइनान्सका निमित्त प्रमुख कार्यकारी अधिकृत प्रमोद भट्टराईले क्यूआर भुक्तानी सेवाको प्रयोग गरी सुरक्षित र भरपर्दो विद्युतीय बैंकिङ कारोबार गर्न आग्रह गरे ।